2020-12-31 12:04:38, 724 ნახვა
პოლიტიკა
კელი დეგნანი საქართველოს მოქალაქეებს ახალ წელს ულოცავს
აშშ-ს ელჩი საქართველოში კელი დეგნანი, აშშ-ს ყოფილ ელჩებთან ერთად საქართველოს მოქალაქეებს ახალ წელს ულოცავს.
ელჩი დეგნანი სოციალურ ქსელში ვიდეოს ავრცელებს და მოქალაქეებს მიმართავს.
„2020 წელი მთელ მსოფლიოში ბევრი ადამიანისთვის რთული იყო, გაურკვევლობის, ცვლილებებისა და ძალიან დიდი დანაკარგის გამო. ასეთ დროს ვაცნობიერებთ, თუ რამდენად ძვირფასია ჩვენი ოჯახი, მეგობრები და კოლეგები და რამდენად ვაფასებთ ერთად გატარებულ დროს.
2020 წლის გამოწვევებმა ხელი ვერ შეგვიშალა, გვეპოვა ახალი გზები საქართველოში ჩვენი მნიშვნელოვანი საქმის გასაგრძელებლად. ჩემზე საოცარი შთაბეჭდილება მოახდინა იმან, თუ რამდენი რამის წარმატებით შესრულება შეგვიძლია ერთად მუშაობით. „კოვიდი“ ვერ შეგვიშლის ხელს“, - აცხადებს კელი დეგნანი.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
