პოლიტიკური კრიზისი მოკლევადიანია, გაივლის დრო და არავის ემახსოვრება ვინ შევიდა ან არა პარლამენტში, - ამის შესახებ პრემიერ-მინისტრმა გიორგი გახარიამ მთავრობის ადმინისტრაციაში, ბრიფინგზე განაცხადა.

მანვე დასძნა, რომ მისთვის ეპიდემიოლოგიური და ეკონომიკური კრიზისი უფრო მნიშვნელოვანია, ვიდრე პოლიტიკური კრიზისი.

„გულწრფელად გეტყვით, მერწმუნეთ, ადამიანურად მართლა ვთვლი, რომ ეპიდემიოლოგიური და ეკონომიკური კრიზისი დღეს არის ყველაზე მნიშვნელოვანი. მე მესმის, რომ პოლიტიკური კრიზისი ეს არის ასევე მნიშვნელოვანი, მაგრამ ეს ძალზედ მოკლევადიანი, მიმდინარე, ვერც დავარქმევ მე ამას კრიზის, პარლამენტი ფუნქციონირებს, მთავრობა ფუნქციონირებს, გამოხატვის თავისუფლების პრობლემა ქვეყანაში არ არის, დემოკრატიული პრცესი ვითარდება, შესაბამისად, დღეის მდგომარეობით ჩემთვის კრიტიკულად მნიშვნელოვანი ეპიდემიოლოგიურ და ეკონომიკურ კრიზისთან გამოკლავებაა. მერწმუნეთ, გაივლის დროს, არავის არ ემახსოვრება ის, რასაც თქვენ ახლა პოლიტიკურ კრიზისს ეძახით, არავის ემახსოვრება ვინ შევიდა პარლამენტში და ვინ თქვა ამაზე უარი, ყველას ემახსოვრება, თუ როგორ გაუმკლავდა ქვეყანა ეპიდემიას და როგორ გაუმკლავდება ქვეყანა ეკონომიკურ კრიზისს. დღეის მდგომარეობით ეს ორი კრიტერიუმი დგას ზედა რიგებში და სხვა ყველაფერი, შემდეგ“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე

ოცნების ხელისუფლება ევროკავშირის გაფართოების ფორუმზე მიწვეული არ არის - ევროკავშირი