„შეზღუდვების შემსუბუქება მინიმალურად მოხდა, ვიტყოდი, რომ ეს დაბალანსებულია“, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ „საქართველოს პირველი არხის“ ეთერში განცხადა.

მან ასევე აღნიშნა, რომ შეზღუდვების დაწესებისას ქვეყანა დგება არჩევნის წინაშე.

„ჩვენ ექიმები ვართ და უპირველესი ჩვენთვის რა თქმა უნდა, ადამიანის ჯანმრთელობა და მათი სიცოცხლეა.

ამიტომ, რადგან ტენდენცია იყო უკეთესობისკენ და ამ მიმართულებით მივდიოდით, ზოგადად მიღებულია, რომ ეს შეზღუდვები, როგორც წესი, სულ მცირე, ხუთი-ექვსი კვირა უნდა გაგრძელდეს.

ჩვენ რიგი შეზღუდვები დავტოვეთ ძალაში და შემსუბუქება მინიმალური მოხდა. ის მხოლოდ დახურულ სავაჭრო ობიექტებს შეეხო.

ვიტყოდი, დაბალანსებულია, რადგან ხალხი ერთი მხრივ, გარკვეულწილად, დეპრესიულ მდგომარეობაშია, მეორე მხრივ, წინასაახალწლო პერიოდია, ამავე დროს, ბიზნესს მეტი სტიმული სჭირდება ამ დროს.

ჩვენ არ ვართ მდიდარი ქვეყანა. ჩვენ რატომღაც ყოველთვის ვედრებით გერმანიას, საფრანგეთს, ბრიტანეთს, ამერიკას და ასე შემდეგ, მათ იმდენი აქვთ ეკონომიკური საშუალება, რომ შეუძლიათ ხანგრძლივი ლოკდაუნების უფლება მისცენ თავის თავს.

ჩვენ, სამწუხაროდ, ჯერჯერობით ეკონომიკურად განვითარებადი ქვეყანა ვართ და ამის უფლებას ვერ ვაძლევთ. ამიტომ, ამ დროს დანის პირზე გვიწევს სიარული.

ერთი მხრივ, მოსახლეობის ჯანმრთელობა და მეორე მხრივ, მოსახლეობა კიდევ მეტად არ გაღარიბდეს“, – განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის

სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია