იუსტიციის უმაღლეს საბჭოში მიმდინარე სხდომაზე  უზენაესი სასამართლოს თავმჯდომარე ნინო გვენეტაძემ  საერთო სასამართლოების სისტემაში ვაკანტურ ადგილებზე  კონკურსის გამოცხადების საკითხი კენჭისყრაზე გაიტანა, თუმცა საკითხი ჩავარდა. 

მოსამართლეთა შესარჩევი კონკურსის საორგანიზაციო საკითხებს მხარი მხოლოდ 6-მა არამოსამართლე წევრმა დაუჭირა, საკითხის მისაღებად კი, 8 ხმა იყო საჭირო.

„ვიმსჯელეთ ინტერესთა კონფლიქტის შემთხვევაში, დისციპლინური სამართალწარმოების პროცედურებზე საბჭოში საკითხის მოხსენებისა და შემოტანის ირგვლივ და საბჭოს წევრთა წინადადება იყო, რომ  ერთი კვირით გადაიდოს ეს საკითხი, თუმცა ის მთავარი პოზიციები, რაც ჩემს მიერ იქნა გაჟღერებული, გარკვეულად მხარდაჭერილია. რაც შეეხება მეორე საკითხს, ეს არის საერთო სასამართლოების სისტემაში, ვაკანტურ ადგილებზე კონკურსის გამოცხადება, ამაზე კენჭისყრა ჩემს მიერ მომზადებული წინადადების საფუძველზე შედგა, სამწუხაროა, რომ კენჭისყრით საკითხი ვერ გადაწყდა,მხოლოდ არამოსამართლე წევრები არიან თანახმა საერთო სასამართლოების შესახებ ორგანული კანონით კონკურსის გამოცხადებისა და არ არიან თანახმა მოსამართლე წევრები“,-განაცხადა ნინო გვენეტაძემ.

იუსტიციის უმაღლეს საბჭოში სხდომა  დახურულ ფორმატში კვლავ  გრძელდება. ამწუთებში   მოსამართლის სხვა სასამართლოს მოსამართლედ კონკურსის გარეშე დანიშვნის საკითხზე მსჯელობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

14-მა ოცნების ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს

რუსმა ბლოგერმა და ტელეწამყვანმა ანასტასია ივლეევამ, საქართველოს ოკუპაციის შესახებ კანონი დაარღვია

ლუკაშენკომ ამერიკელებთან უარყო ბრალდებები ბელარუსში რეპრესიების გაგრძელების შესახებ