კობახიძე : სააკაშვილის ორივე პარტია - ენმ და „ევროპული საქართველო“ ქართული პოლიტიკიდან გაქრება

2020-12-11 19:05:45, 833 ნახვა

კომენტარი

„სააკაშვილის ორივე პარტია - ენმ და „ევროპული საქართველო“ ქართული პოლიტიკიდან გაქრება“, - ამის შესახებ პარტია „ქართული ოცნების“ ლიდერმა ირაკლი კობახიძემ განაცხადა.

მან ასევე აღნიშნა, რომ სააკაშვილის მიზანი გვარამიასთან და ბოკერიასთან ერთად მოლაპარაკების მაგიდის „აყირავება“ იყო.

„სააკაშვილი, ბუნებრივია, იქნება კმაყოფილი იქიდან გამომდინარე, რომ მისი ერთადერთი ამოცანა არის დესტრუქცია და თავის გვარამიასთან და ბოკერიასთან ერთად აეყირავებინა მოლაპარაკების მაგიდა.

ის შეიძლება იყოს კმაყოფილი, მაგრამ ამ პროცესის დასასრული იქნება ისეთი, რომელიც ნამდვილად არ დააკმაყოფილებს მიხეილ სააკაშვილს.

მისი ორივე პარტია — ნაციონალური მოძრაობა და ევროპული საქართველო ქართული პოლიტიკიდან და საპარლამენტო სივრციდან გაქრება“, - განაცხადა კობახიძემ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,