ამირან გამყრელიძე - ვიცი, რომ არსებობს ხარვეზები, მაგრამ ვისაც სჭირდება სტაციონარი, ყველა თავსდება

2020-11-30 12:51:30, 649 ნახვა

კომენტარი

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, არსებობს გარკვეული ხარვეზები სტაციონარიზაციაში, თუმცა საბოლოოდ, ვისაც სჭირდება სტაციონარი, ყევლა თავსდება იქ.

ამასთანავე, ამირან გამყრელიძემ განმარტა, რომ ქვეყნის მასშტაბით თავისუფალია 350-მდე საწოლი და ასევე, თავისუფალია სასუნთქი აპარატებიც.

„350-მდე თავისუფალი საწოლი და სასუნთქი აპარატების რამოდენიმე ასეული თავი, მაგრამ ესენი გაბნეული არიან სხვადასხვა კოვიდკლინიკებად, 85 სრული კოვიდკლინიკაა ქვეყანაში, ამიტომ შესაძლებელია, ზოგიერთ კლინიკაში სადაც ავადმყოფი მიემართება, რომ იმ მოემტნში არ იყოს.

მესმის, ვიცი, რომ არსებობს გარკვეული ხარვეზები სტაციონარიზაციაში, მაგრამ საბოლოოდ ვისაც სჭირდება სტაციონარი, ის თავსდება იქ“, - განაცხადა ამირან გამყრელიძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან