აბაშიძე უბოდიშებს და აჩოტს აბარებს კარასინს, რაც ქართული სახელმწიფოს სირცხვილია, - ასე აფასებს „ევროპული საქართველოს“ ერთ-ერთი ლიდერი, გიგი უგულავა ზურაბ აბაშიძესა და გრიგორი კარასინს შორის გამართულ მოლაპარაკებებს.

მისი თქმით, ხელისუფლების ოფიციალური წარმომადგენლის მხრიდან ამგვარი ქცევა სირცხვილია.

„ქართული სახელმწიფოს სირცხვილია. პრაქტიკულად უბოდიშებს და აჩოტს აბარებს კარასინს. ეუბნება, რომ ნაციონალისტურად განწყობილი ელემენტები ელიმინირებულია და ახლა რუსეთის მიმართ სიყვარულს არაფერი ემუქრება. უბრალოდ სირცხვილია, როდესაც ამას აკეთებს შენი ხელისუფლების ოფიციალური წარმომადგენელი. მათი ჩამოყვანილია ის კარასინი, მათი დასმული იყო იქ. ამიტომ, ეს ფორმატი იმთავითვე მავნებლური იყო“, - განაცხადა უგულავამ.

ცნობისთვის, რუსმა დიპლომატმა, გრიგორი კარასინმა და რუსეთის საკითხებში საქართველოს პრემიერ-მინისტრის სპეციალურმა წარმომადგენელმა, ზურაბ აბაშიძემ ვიდეოკონფერენციის ფორმატში 2019 წლის ზაფხულში ანტირუსული პროვოკაციები განიხილეს. ამასთან, რუსეთის საგარეო უწყების განცხადებით, ზურაბ აბაშიძესა და გრიგორი კარასინს შორის გამართულ შეხვედრაზე, დადასტურდა 2019 წლის ზაფხულში ქართველი ნაციონალისტების მიერ მოწყობილი კარგად ცნობილი ანტირუსული პროვოკაციის ნეგატიური შედეგების აღმოფხვრის ორმხრივი განწყობა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს