ამირან გამყრელიძის განცხადებით, ქვეყანა პიკში შევიდა, რის გამოც ღონისძიებები უნდა გამკაცრდეს

2020-11-25 15:56:56, 584 ნახვა

კომენტარი

დაავადებათა კონტროლის ეროვნული ცენტის ხელმძღვანელმა, ამირან გამყრელიძემ განაცხადა, რომ დანის პირზე უნდა ვიაროთ, რათა დავამუხრუჭოთ ინფექციის გავრცელება და რაც შეიძლება მინიმალური ზიანი მივაყენოთ ეკონომიკას.

მისი თქმით, ქვეყანა ეპიდემიის გავრცელების თვალსაზრისით, პიკშია და აუცილებელია ღონისძიებების გამკაცრება.

„ჩვენ პიკში შევედით და ამიტომაც უნდა გამკაცრდეს ღონისძიებები და ვფიქრობ ხვალ გამოცხადდება შეზღუდვები. ახლაც სერიოზული განსჯა იყო როგორი, რანაირი მიდგომით უნდა იყოს ეს რომ რაც შეიძლება ნაკლები ზიანი მიადგეს ეკონომიკურ სფეროს და ადამიანის შემოსავლებს.

დანის პირზე უნდა ვიაროთ, რომ ერთი მხრივ, წინ აღვუდგეთ ეპიდემიის შემდგომ გავრცელებას და უფრო მაღალ მაჩვენებლებს ანუ დავამუხრუჭოთ ინფექციის გავრცელება და მეორე მხრივ, რაც შეიძლება მინიმალური ზიანი მივაყენოთ ეკონომიკას“, - განაცხადა გამყრელიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან