რუსეთში, ბოლო 24 საათის განმავლობაში, კორონავირუსს 500-ზე მეტი ადამიანი ემსხვერპლა, რაც პანდემიის დაწყებიდან დღემდე ქვეყანაში გარდაცვალების ყველაზე დიდი მაჩვენებელია.

კადრებზე, რომლებიც „ევრონიუსს“ ექსკლუზიურად მიაწოდეს, ნოემბრის დასაწყისში, ტომსკის კლინიკაშია გადაღებული, სადაც კოვიდ19-ის დიაგნოზით მყოფი პაციენტები კლინიკის დერეფნებში წვანან.

ერთი თვის წინ, ტომსკის რეგიონში ჯამში ინფიცირებულთა რიცხვი, ოფიციალური მონაცემებით, თორმეტ ნახევარ ათასზე მეტს აღწევდა. ერთ თვეში კი, აღნიშნული რიცხვი თითქმის ხუთი ათასით გაიზარდა.

თითქმის ასეთივე ინფიცირებულთა რაოდენობაა ამჟამად ბურიატიაში.

„თუ მოსახლეობა დაიცავს სოციალურ დისტანციას და მიმართავს თვითიზოლაციას, ჩვენ დავიხრჩობით. მიუხედავად იმისა, რომ ჩვენი შესაძლებლობები გავაფართოვეთ, საწოლების რაოდენობა გავზარდეთ, აღნიშნული რეზერვი გვეწურება. ყოველდღიურად ჩვენთან მოჰყავთ 30 პაციენტი, რომელსაც ესაჭიროება ინტენსიური თერაპია“, - აცხადებს რესპუბლიკური საავადმყოფოს მთავარი ინფექციონისტი, ტატიანა სიმბელოევა.

ერთი კვირის წინ, პრეზიდენტმა ვლადიმერ პუტინმა პრესკონფერენციაზე, კრემლში განაცხადა, რომ პანდემიასთან დაკავშირებული საქმეები რუსეთში არც ისე იოლად მიმდინარეობს.

ამასთანავე, ქვეყნის ვიცე-პრემიერმა ტატიანა გოლიკოვამ აღნიშნა, რომ კოვიდ19-ისგან გამოწვეული სიტუაცია რუსეთში რთულდება, ქვეყნის 19 რეგიონში კორონავირუსით ინფიცირების მაჩვენებელი მაღალ ნიშნულზე დგას.

რუსეთის ფედერაციაში საყოველთაო კარანტინის გამოცხადებას ჯერჯერობით არ აპირებენ.

რუსეთში კორონავირუსით ინფიცირების პირველ ადგილზე ქვეყნის დედაქალაქი, მოსკოვია, შემდეგ კი, მას პეტერბურგი მოსდევს.

ბოლო 24 საათში ქვეყანაში კოვიდ19-ით 23 ათასზე მეტი ადამიანი დაინფიცირდა, ჯამში კი, ქვეყანაში ინფიცირებულთა რიცხვმა 2 მილიონს გადააჭარბა. აღნიშნული მონაცემები ქვეყნის კორონავირუსთან ბრძოლის ოპერატიულ შტაბზე დაყრდნობით რუსულმა მედიამ გაავრცელა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება