შეიკრიბონ პარლამენტარები და მიიღონ 3 კანონი - რა მოთხოვნები აქვს მიკროსაფინანსო ორგანიზაციაზე თავდამსხმელს

2020-11-20 19:01:16, 642 ნახვა

საზოგადოება

სოციალურ ქსელში ვრცელდება მიმართვა, სადაც მიკროსაფინანსო ორგანიზაცია „ემბისი“-ზე თავდამსხმელი სამ მოთხოვნას ასახელებს. აღნიშნული ვიდეომიმართვა ერთ-ერთი მძევლის მიერაა გადაღებული.

ვიდეომიმართვის მიხედვით, თავდამსხმელს სამი მოთხოვნა აქვს.

„შეიკრიბოს საქართველოში ყველა პარლამენტარი და მიიღონ სამი კანონი. 1) აიკრძალოს საქართველოს მასშტაბით ყველანაირი აზარტული თამაშები, 2) ბანკებს მიეცეთ უფლება, 7 &-ში გასცენ სესხი, ვისაც არსებული სესხები აქვთ, გადაუტანონ 7%-ში. 3) ფარმაცევტულ კომპანიებს მივცეთ მხოლოდ 10% მოგების უფლება“, - აცხადებს თავდამსხმელი.

შეგახსენებთ, რომ თავდამსხმელი მიკროსაფინანსო ორგანიზაციაში, 17:00 საათისთვის შეიჭრა, ის ადგილზე ნიღბის გარეშე იმყოფება, შესაბამისად, შესაძლებელია მისი იდენტიფიცირება.

არსებული ინფორმაციით, თავდამსხმელს 9 პირი ჰყავს მძევლად აყვანილი.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან