ოპოზიციურმა პარტიებმა 21 ნოემბრისთვის დაგეგმილი საპროტესტო აქციები გააუქმა.

აღნიშნულის შესახებ „ნაციონალური მოძრაობის“ ერთ-ერთმა ლიდერმა, ზაალ უდუმაშვილმა ჟურნალისტებს განუცხადა.

მისი თქმით, ბიძინა ივანიშვილს ხვალ ეძლევა ერთი დღე, რომ საბჭოთა კავშირში იცხოვროს.

„ივანიშვილმა ნახოს როგორ ირჩევდნენ საქართველოში ერთპარტიულ პარლამენტს და ერთპარტიულ ხელისუფლებას საბჭოთა პერიოდში. საერთო ოპოზიციურ ფორმატში ყველანაირი აქცია შეჩერებულია, მაგრამ ეს არ ნიშნავს იმას, რომ ინდივიდუალურად რომელიმე პოლიტიკურმა პარტიამ აქცია გამართოს. ამის შესახებ ჩვენ ინფორმირებული არ ვართ. ამ გადაწყვეტილებას ყველა პარტია თვითონ მიიღებს. არანაირი ინდივიდუალური გეგმა არ არსებობს. შესაძლოა, რეგიონებში ვიღაცამ გადაწყვიტოს , რომ რაღაც ფორმით გააპროტესტოს, მაგრამ მასშტაბური აქციები, როგორიც რამდენიმე დღის წინ იყო თბილისში, ყველაფერი გავაუქმეთ.

ნებისმიერი სახის აქცია, რომელიც არ უნდა დაგეგმო მაინც გარკვეულ მნიშვნელობას ანიჭებს მეორე ტურებს, პოლიტიკურ დატვირთავს ვაძლევთ. ამიტომ გადაწყვეტილება მივიღეთ, რომ ის, რაც ხვალ ქვეყანაში უნდა ჩატარდეს არის სრული ფარსი. არ მივცემთ ზედმეტ დატვირთვას მეორე ტურებს და შესაბამისად, გავაუქმეთ ყველა ის აქცია, რომელზეც ადრე ვმსჯელობდით“, - განაცხადა ზაალ უდუმაშვილმა.

ავტორი: ექსპრესნიუსი,

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები