„საერთაშორისო გამჭვირვალობა- საქართველოს“ პროგრამების მენეჯერის, გია გვილავას განცხადებით, აშშ-ის სახელმწიფო მდივანსა და არასამთავრობო სექტორს შორის გამართულ შეხვედრაზე საპარლამენტო არჩევნების განხილვა არ მომხდარა.

როგორც მან ჟურნალისტებს განუცხადა, შეხვედრაზე საუბარი იყო ქვეყანაში არსებულ სასამართლო სისტემასა და მართლმსაჯულების პერსპექტივაზე საქართველოში.

„არჩევნები განხილვის თემა არ ყოფილა. მხოლოდ სასამართლოზე იყო საუბარი და იმ მდგომარეობაზე, რაც გვაქვს სისტემაში. გარდა სისტემური პრობლემებისა, საუბარი იყო კონკრეტულ საქმეებზე, რომელიც მოვახსენეთ სახელმწიფო მდივანს. ეს იყო კარტოგრაფების საქმე, ანაკლიის პორტის საქმე, „ფილიპ მორისის“ საქმე, სადაც სავარაუდოდ, დიდი მასშტაბის კორუფცია იყო და ის ხალხი, ვინც ამ საქმეების შემოქმედია, რა მეთოდებით წინაურდება და როგორ ინიშნებიან სისტემაში. ყველა გახმაურებულ საქმესა და პროცესზე, რომელიც ქართულ მართლმსაჯულების სისტემას უკავშირდება და ყველა უბედურებაზე, რაც სისტემას სჭირს, ვისაუბრეთ. ასევე ვისაუბრეთ, რა პერსპექტივები შეიძლება ჰქონდეს მართლმსაჯულებას საქართველოში და ვთხოვეთ კონკრეტული გზები.

მან კითხვა დასვა სასამართლოში არსებული კლანის შესახებ, როგორც ჩანს, კარგადაა ინფორმირებული და სჯერა, რომ კლანი არსებობს. ეს ძალიან ცუდი ამბავია მიხეილ ჩინჩალაძისთვის და ჩვენთვის ეს არის კარგი შესაძლებლობაა, რომ გავაძლიეროთ ადვოკატირება“, - განაცხადა გიორგი გვილავამ.

ავტორი: ექსპრესნიუსი,

სოციალური ქსელები

ევროკავშირმა დაგმო ირანში რეპრესიები და სიკვდილით დასჯა

ტრამპი ევროპას - ჩვენ მხოლოდ უნდა ვთქვათ: „იცით რა? ჩვენ აღარ ვვაჭრობთ თქვენთან

კონგრესმა მიიღო კანონპროექტი ჯოჯოხეთური სანქციები“ რუსეთის წინააღმდეგ „ და დოკუმენტი ხელმოსაწერად ტრამპს გაუგზავნა

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა