ნინო ევგენიძე - მაიკ პომპეოსთან შეხვედრაზე ყურადღება გამახვილდა ანაკლიის პორტის პროექტის ჩაშლაზე

2020-11-18 14:00:43, 703 ნახვა

კომენტარი

ეკონომიკური პოლიტიკის კვლევის ცენტრის აღმასრულებელმა დირექტორმა, ნინო ევგენიძემ აშშ-ის სახელმწიფო მდივნის, მაიკ პომპეოს სამოქალაქო სექტორის წარმომადგენლებთან შეხვედრის შემდეგ განაცხადა, რომ შეხვედრაზე ყურადღება გამახვილდა ანაკლიის პორტის საკითხზეც.

მისი თქმით, ანაკლიის პორტის მშენებლობა და საინვესტიციო გარემოს გაუარესება ამ ქვეყანაში მნიშვნელოვანი პრობლემაა.

„რა თქმა უნდა, ანაკლიის პორტის ჩაშლაზეც იყო ყურადღება გამახვილებული იმიტომ, რომ ანაკლიის პორტის მშენებლობა და საინვესტიციო გარემოს გაუარესება ამ ქვეყანაში, ვფიქრობ, ძალიან მნიშვნელოვანი პრობლემაა იმისთვის, რომ შეიქმნას ახალი სამუშაო ადგილები, შემოვიდეს ქვეყანაში ახალი ინვესტიციები და შევძლოთ სიღარიბის დაძლევა ამ ქვეყანაში", - განაცხადა ნინო ევგენიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან