ოპოზიციის განცხადება, რომ არ მონაწილეობენ მეორე ტურში, ფაქტობრივი და სამართლებრივი ბლეფია, - ამის შესახებ პარტია „ქართული ოცნების“ საპარლამენტო სიის მეოთხე ნომერმა, თეა წულუკიანმა საპარლამენტო არჩევნების მეორე ტურის კომენტირებისას განაცხადა.

მისი თქმით, არჩევნების მეორე ტური აუცილებლად შედგება.

„მეორე ტურთან დაკავშირებით ძალიან მნიშვნელოვანია თითოეულ ამომრჩეველს ავუხსნათ, რომ ოპოზიციის განცხადება, რომ ისინი არ მონაწილეობენ მეორე ტურში არის როგორც ფაქტობრივი, ასევე სამართლებრივი ბლეფი. ჩვენი კანონმდებლობა არ ითვალისწინებს იმას, რომ მეორე ტურში ვინმემ აღარ მიიღოს მონაწილეობა. თქვენ როდესაც მიბრძანდებით საარჩევნო ურნასთან, იქ აუცილებლად იქნება 5-იანი, ხუთოსანი პარტია, იქნება 41 ანუ „ქართული ოცნების“ კანდიდატი. არჩევანის საშუალებას ხელისუფლება უზრუნველყოფს შესაბამისი სახელმწიფო ინსტიტუტებით მეორე ტურზეც. მინდა „ქართული ოცნების“ მხარდამჭერებს მოვუწოდო უპრეცედენტო მობილიზაციისკენ, რადგან მეორე ტური არის ძალიან მნიშვნელოვანი არჩევნების დღე და კარგი იქნება თუ ოპოზიციის ამომრჩეველიც გამოვა და მათთვის სასურველ კანდიდატს მისცემს ხმას. შესაბამისად, მეორე ტური შედგება“, - განაცხადა წულუკიანმა.

ავტორი: ექსპრესნიუსი,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის