2020-11-16 15:44:32, 591 ნახვა
პოლიტიკა
სალომე სამადაშვილი - პოლიტიკოსები, რომლებიც სხვის ამომრჩეველს პატივს არ სცემენ, ვერავის ნდობას ვერ დაიმსახურებენ
პოლიტიკოსები, რომლებიც სხვის ამომრჩეველს საკუთარის მსგავსად პატივს არ სცემენ, ვერავის ნდობას ვერ დაიმსახურებენ.
ასე ეხმაურება „ნაციონალური მოძრაობის“ წევრი სალომე სამადაშვილი „ფეისბუქის“ საკუთარ გვერდზე აჭარის ორგანიზაციის ლიდერის, ლევან ვარშალომიძის გუშინდელ განცხადებას.
„არ ვიცი, იდეა, მოქალაქეებისთვის მეორე ტურზე სირცხვილის დერეფნების მოწყობის, ვის ეკუთვნის. მხოლოდ ვიცი, რომ ის პოლიტიკოსები, ვინც სხვის ამომრჩეველს იმდენივე პატივს არ სცემენ, რამდენსაც საკუთარს, ვერავის ნდობას ვერ დაიმსახურებენ“, - წერს სამადაშვილი.
ცნობისთვის, გუშინ, 15 ნოემბერს აჭარის ორგანიზაციის ლიდერმა, ლევან ვარშალომიძემ არჩევნების მეორე ტურზე საარჩევნო უბნებთან სირცხვილის კორიდორის მოწყობის შესახებ განაცხადა.
ავტორი: ექსპრესნიუსი,
epn.ge (@expressnews.ge)
