2020-11-15 12:11:28, 606 ნახვა
საზოგადოება
იმოქმედე - აჭარის მთავრობის ადმინისტრაციის შენობასთან დღეს, 5 საათზე აქცია გაიმართება
აჭარის მთავრობის ადმინისტრაციის შენობასთან დღეს, 5 საათზე აქცია იგეგმება.
შეგახსენებთ, რომ აქტივისტები უკვე ერთი კვირაა, რაც რეგულარულად მართავენ აქციებს, ასევე მათ მთავრობის ადმინისტრაციის შენობასთან კარვები აქვთ გაშლილი.
მათი მთავარი მოთხოვნა ახალი არჩევნების დანიშვნა და თამარ ჟვანიას გადადგომაა.
"დღეს კიდევ ერთხელ გაიმართება აქცია და კიდევ ერთხელ ვეტყვით ხელისუფლებას, რომ არ ვაპირებთ შევეგუოთ მოპარულ არჩევნებს, ეს იქნება მშვიდობიანი პროტესტი, საზოგადოების პრინციპული ნაწილი უკან არ დაიხევს და მივაღწევთ მიზანს.
არ ვითხოვთ ბევრს, ცივილიზებულ სამყაროში ყველა ადამიანს უნდა ჰქონდეს თავისი ხმის უფლება", - აცხადებს ერთ-ერთი აქციის მონაწილე მედიასთან საუბრისას.
ავტორი: ექსპრესნიუსი,
epn.ge (@expressnews.ge)
