ერთი წლის წინ, პარლამენტში ჩვენმა ხელისუფლებამ რუსული დროშა აგვიფრიალა გავრილოვის სახით, ამიტომ გავრილოვების ერა ქვეყანაში უნდა დასრულდეს, - ამის შესახებ ენმ-ს ერთ-ერთმა ლიდერმა, ზაალ უდუმაშვილმა რუსთაველზე, პარლამენტთან მიმდინარე აქციაზე განაცხადა.

მისივე თქმით, ბიძინა ივანიშვილმა 31 ოქტომბერს მოიპარა და წაიღო ხალხის ხმები, თუმცა მას ეს არ შერჩება.

მისივე თქმით, ხალხი ელოდა 31 ოქტომბერს, რომ 8 წლის განმავლობაში მიყენებული ტკივილი ცვლილებებით შეეცვალა, თუმცა ივანიშვილმა მოიპარა ხალხის ხმები, რასაც 

„ამ პარლამენტის შენობის წინ ორი დროშა ფრიალებს, ერთი არის ჩვენი სახელმწიფოს სიმბოლო, მეორე სიმბოლოა იმისა, თუ საით მიისწრაფვის ეს ქვეყანა და რომელი კავშირის წევრობაც უნდა, ეს არის ევროპა, მაგრამ ერთი წლის წინ ამ შენობის შიგნით ჩვენმა ხელისუფლებამ რუსული დროშა აგვიფრიალა გავრილოვის სახით. ეს კოლექტიური გავრილოვები მართავენ დღეს ქვეყანას და ამიტომ, გავრილოვების ერა ამ ქვეყანაში უნდა დასრულდეს.

ბევრი მძიმე წელი და დღე გამოიარა ჩვენმა ქვეყანამ 8 წლის განმავლობაში და ჩვენი ხალხი ელოდა 31 ოქტომბერს, როდესაც მივიდოდა და შურს იძიებდა ყველა იმ მიყენებულ ტკივილე, რომელიც მას მიაყენა ივანიშვილის ხელისუფლებამ და მისცა ხმა იმ იმედით, რომ ამ ქვეყანაში მოხდებოდა ცვლილებები, მაგრამ ამ კაცმა ესეც მოიპარა და წაიღო, მაგრამ არ შევარჩენთ“, - განაცხადა ზაალ უდუმაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა