„ევროპული საქართველოს“ ლიდერის, დავით ბაქრაძის განცხადებით, ცესკოს გუშინდელმა გადაწყვეტილებამ ხელისუფლებასა და ოპოზიციას შორის დიალოგი დაავიწროვა.

მისი თქმით, დიალოგის მაგიდაზე ერთადერთი საკითხი, ხელახალი არჩევნები დარჩა.

„ჯერჯერობით კონკრეტულ შედეგზე საუბარი ნაადრევია, რადგან მხარეთა პოზიციებს შორის არის დიდი განსხვავება. სამწუხარო ფაქტი გახლავთ ცესკოს გუშინდელი სხდომა. სრულიად უკანონო და სამარცხვინო იყო ის გადაწყვეტილება, რომელიც მიიღეს და რომლითაც ოპოზიციას წაართვეს სასამართლოში გასაჩივრების უფლება. მათ დახურეს კარი ოლქების და უბნების გადათვლისა და გადამოწმებისთვის. ამით დაარღვიეს არსებული ვადები და დააჩქარეს გადაწყვეტილების მიღება. ცესკოს ეს გადაწყვეტილება იყო ფაქტორი, რამაც ძალიან დაავიწროვა ჩვენი მოლაპარაკების თემა. შესაბამისად, მოლაპარაკების მაგიდაზე დარჩა ერთადერთი საკითხი, ოპოზიციის შეთავაზება ახალი არჩევნების შესახებ.

მხარეები დგანან განსხვავებულ პოზიციაზე, მაგრამ შევთანხმდით, რომ დიალოგი და პროცესი გაგრძელდება. ამ დიალოგის ამოცანა გახლავთ სწორედ ის, რომ ძალიან დაშორებული პოზიციებიდან ნაბი-ნაბიჯ მივიდეთ იმ კომპრომისამდე, რომელიც საჭიროა ამ ქვეყანაში სტაბილურობისთვის. სტაბილურობას სჭირდება აღქმა, რომ ქვეყანას ჰყავს ლეგიტიმური ხელისუფლება და არსებობს კონსოლიდირებული საზოგადოება. ამ ყველაფერს სჭირდება ახალი არჩევნები და განხილვის თემაც ეს არის“, - განაცხადა დავით ბაქრაძემ.

ცნობისთვის, ცესკო-მ ოპოზიციური პარტიების არც ერთი საჩივარი არ დააკმაყოფილა.

ავტორი: ექსპრესნიუსი,

სოციალური ქსელები

ზელენსკის მრჩეველმა განაცხადა, რომ SpaceX-მა უკრაინაში Starlink-ის ოპერაციები გაფრთხილების გარეშე შეზღუდა

რუსეთმა გუშინ ღამით უკრაინას 39 ბალისტიკური რაკეტა დაარტყა- 39 ადამიანი დაიჭრა, აქედან 2 ბავშვი

მოსკოვმა ღამით დრონებით თითქმის 500 თავდასხმა დააფიქსირა, ოთხმა აეროპორტმა კი ფუნქციონირება შეაჩერა

უკრაინულმა დრონებმა სარატოვის ოლქში, თავდასხმა განახორციელეს, სადაც Sberbank-ის მონაცემთა ცენტრი მდებარეობს