2020-11-12 15:46:42, 524 ნახვა

---

საქართველოს საპატრიარქო - კორონავირუსის გამო, 100,000 მოწამის ხსენების დღეს სახალხო მსვლელობა აღარ გაიმართება

კორონავირუსის გამო, 100,000 მოწამის ხსენების დღეს სახალხო მსვლელობა აღარ გაიმართება, - ამის შესახებ ინფორმაციას საქართველოს საპატრიარქო ავრცელებს.

მათივე ცნობით, ხვალ, 17:00 საათზე ჩატარდება მხოლოდ მცირე პარაკლისი.

„პარასკევს, 13 ნოემბერს, არის ხსენება თბილისში ჯალალ ედ - დინის დროს წამებულ 100 000 ქართველთა. ამ დღეს ტრადიციულად ეწყობოდა ხალხმრავალი მსვლელობა, რომელიც მეტეხის ხიდზე სრულდებოდა პარაკლისით, სხვადასხვა საზეიმო ღონისძიებითა და წყალზე ყვავილების მოფენით.

ეპიდემიის მკვეთრი გავრცელების გამო წელს მრევლის მსვლელობა აღარ გაიმართება. 17.00 საათზე მხოლოდ მცირე პარაკლისი ჩატარდება და ყვავილების გვირგვინი ანთებული სანთლებით მტკვარში ჩაესვენება ქრისტესთვის წამებული ჩვენი წინაპრებისადმი მადლიერების ნიშნად“, - ნათქვამია საპატრიარქოს განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი