2020-10-15 12:16:24, 531 ნახვა
პოლიტიკა
გიორგი ვაშაძე - დღეს გახარიასთან დებატები უნდა მქონდეს, მაგრამ ეშინია და მდინარაძის გამოშვებას აპირებს
„სტრატეგია აღმაშენებლის“ ლიდერი გიორგი ვაშაძე აცხადებს, რომ დღეს გიორგი გახარიასთან დებატები უნდა ჰქონდეს, მაგრამ პრემიერი დებატებზე მამუკა მდინარაძის გაშვებას აპირებს.
ვაშაძის თქმით, გახარიას ეშინია.
„დღეს 22:30 საათზე უნდა შედგეს დებატები ჩემსა და გიორგი გახარიას შორის. ჩვენი ინფორმაციით, ის შეუშინდა ამ დებატებს და აპირებს მამუკა მდინარაძის გამოგზავნას. მარტივი კითხვა მაქვს, მამუკა მდინარაძეა სიის პირველი ნომერი და პრემიერობის კანდიდატი თუ გიორგი გახარია?! რეალურად ეს არის ის, რომ გიორგი გახარიას ეშინია“, - განაცხადა გიორგი ვაშაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
