„რუსეთს საქართველოს 20% აქვს ოკუპირებული და 21-ე %-ს დაიმატებს თუ არა ამით არსი არ იცვლება“ , - ამის შესახებ ახალქალაქის, კუმურდოსა და კარის მიტროპოლიტმა მეუფე ნიკოლოზმა განცხადა.

მან ასევე აღნიშნა, რომ გარეჯის უდაბნო ყოველთვის იყო საქართველოს ტერიტორია.

„პრინციპულად არ ვეთანხმები ასეთ დამოკიდებულებას, რასაც დღეს ვხედავთ ჩვენ. დავით გარეჯის უდაბნო იყო ყოველთვის საქართველო, ყოველთვის ქართული მონასტერი იყო და ეს მიწა იყო ყოველთვის ქართული მიწა და არავითარი მცდელობა, რომ ვიღაცას გადავაბრალოთ ახლა, რომ ვიღაცამ რუკა დამალა, ვიღაცამ ფული აიღო, არაფერი აქედან არაფერი არ გამოვა. ეს არის პირდაპირი აგრესია. მე ასე ვხედავ.

არ ვიცი საიდან და როგორ. ასე წერია სახარებაში, "არა არს დაფარული, რომელი არა გამოცხადდეს", ცოტა დრო გავა და ყველანი ყველაფერს გავიგებთ. დავით გარეჯის უდაბნო ქართველების საკუთრებაა. დავით გარეჯელი ჩამოვიდა სირიიდან და შექმნა ეს საოცარი საუნჯე, ეს საოცარი სამყარო და ამას ვერავინ ვერ წაგვართმევს.

რაც შეეხება რუსეთს, ეს ახლა ახალი ამბავი არავისთვის არ არის, რომ მეზობელი სახელმწიფოა, რომელსაც ინტერესი აქვს საქართველოში და რომელსაც საქართველოს ტერიტორიის 20 პროცენტი აქვს ოკუპირებული და 21-ე პროცენტს კიდევ დაიმატებს თუ არ დაიმატებს არსი არ იცვლება“ , - განაცხადა მეუფე ნიკოლოზმა.

ავტორი: ექსპრესნიუსი,

სოციალური ქსელები

„ტოიოტა ცენტრი თეგეტამ“ საქართველოში სრულად ელექტრო Toyota bZ4X წარადგინა

აგვისტოში, საარსებო შემწეობის მიმღებთა რიცხვი კიდევ 6500-ით შემცირდა,- რეჟიმი ხალხს შემწეობას აღარ უხდის

უნგრეთი აშშ-ს თხოვს არ დასაჯოს „ჯოჯოხეთური სანქციებით“ ლინდსი გრეჰემის აქტის შესაბამისად

ბაქო-თბილისი-ჯეიჰანის მილსადენით ნავთობის გადაზიდვა შემცირდა