„დელტას“ ფასადზე ალექსანდრე ქართველის ბარელიეფი გაიხსნა

2015-09-18 17:08:36, 1030 ნახვა

სამხედრო

ალექსანდრე ქართველისადმი მიძღვნილი ავიაკვირეულის ფარგლებში სსსტც „დელტას“ ფასადზე ალექსანდრე ქართველის ბარელიეფი გაიხსნა.

მემორიალური დაფა „ალექსანდრე ქართველის საერთაშორისო საზოგადოების“ დამფუძნებელმა ლელა ქართველიშვილმა და თბილისის საკრებულოს თავმჯდომარემ გიორგი ალიბეგაშვილმა გახსნეს.

მათ ამერიკაში მოღვაწე ცნობილი ავიაკონსტრუქტორი გაიხსენეს და ალექსანდრე ქართველის ღვაწლზე ისაუბრეს. ღონისძიებას ალექსანდრე ქართველის შთამომავლები, სააქციო საზოგადოება „თბილავიამშენის“ ხელმძღვანელი პირები და დედაქალაქის თვითმმართველობის წარმომადგენლები დაესწრნენ. თბილისის საკრებულოს გადაწყვეტილებით, „დელტას“ მიმდებარე ტერიტორიაზე არსებულ სკვერს ალექსანდრე ქართველის სახელი მიენიჭება. ალექსანდრე ქართველისადმი მიძღვნილი კვირეული 9 სექტემბერს გაიხსნა და 19 სექტემბერს, ალექსეევკის სამხედრო საავიაციო ბაზაზე, ქართული ავიაციის დღის აღნიშვნით დასრულდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან