2020-09-24 14:18:34, 617 ნახვა
საზოგადოება
თბილისის, რუსთავის, ქუთაისისა და ზუგდიდის უმაღლეს და პროფესიულ სასწავლებლებში სწავლა დისტანციურად გაგრძელდება
განათლების მინისტრის, მიხეილ ჩხენკელის განცხადებით, თბილისის, რუსთავის, ქუთაისისა და ზუგდიდის უმაღლეს და პროფესიულ სასწავლებლებში დისტანციური სწავლების ფორმატი შენარჩუნდება.
როგორც მინისტრმა მთავრობის ადმინისტრაციაში გამართულ ბრიფინგზე აღნიშნა, სასწავლო პროცესის არადისტანციურად განახლების შესახებ ცნობილი მომავალში გახდება.
„რაც შეეხება უმაღლეს და პროფესიულ სასწავლებლებს, დისტანციური სწავლების ფორმატი ამ ეტაპზე შენარჩუნდება თბილისში, რუსთავში, ქუთაისში და ზუგდიდში. ცხადია, ეს შეეხება აჭარასაც. ადაპტაციის პროცესიდან გამომდინარე, გადაწყვეტილებას არადისტანციურად განახლების შესახებ უახლოეს მომავალში გაცნობებთ“, - განაცხადა მიხეილ ჩხენკელმა.
ავტორი: ექსპრესნიუსი,
epn.ge (@expressnews.ge)
