პრემიერი - საქართველოს ტურიზმის სფეროს ექნება პრეტენზია, გლობალური ტურიზმის ერთ-ერთი წამყვანი ქვეყანა იყოს

2020-09-16 10:40:22, 914 ნახვა

ეკონომიკა

საკუთარი უნიკალურობით საქართველოს ტურიზმის სფერო არსებული გამოწვევების თვალსაზრისით, იქნება ერთ-ერთი ლიდერი და ექნება პრეტენზია იყოს გლობალური ტურიზმის ერთ-ერთი წამყვანი ქვეყანა“, - ამის შესახებ პრემიერ-მინისტრმა გიორგი გახარიამ განაცხადა.

მისი თქმით, კრიზისულმა პერიოდმა საქართევლოში ტურიზმის სექტორი დააზიანა, თუმცა მანამდე ქვეყანა ტურიზმის განვითარების მხრივ ერთ-ერთი ლიდერი იყო.

„მინდა ხაზი გავუსვა იმ ფაქტს, რომ კრიზისულმა პერიოდმა საქართევლოში ტურიზმის სექტორი ასევე დააზიანა, თუმცა წინა წლების მაჩვენებლით საქართველო ტურიზმის განვითარების თვალსაზრისით ერთ-ერთი ლიდერი იყო მსოფლიოში.

მხოლოდ 2019 წელს საქართველომ საერთაშორისო მოგზაურების რეკორდული – 9.4 მილიონი ვიზიტორი მიიღო, რაც 3 700 000-იანი ქვეყნისთვის რა თქმა უნდა დიდი წარმატებაა.

აქტიურად ვახორციელებთ ინფრასტრუქტურის განვითარებას, რაც ხელს უწყობს როგორც ქვეყნის სწრაფ ეკონომიკურ ზრდას, ასევე ტურიზმის სექტორის განვითარებას. გარდა ამისა, ხელს ვუწყობთ აქტიური კამპანიით ქვეყნის ცნობადობის ამაღლებას.

ვზრუნავთ ტურიზმის სექტორში დასაქმებულთა ხელშეწყობაზე და ვქმნით ახალ ტურისტულ პროდუქტებს და ხელს ვუწყობთ ახალი პირდაპირი ფრენების გამართვას.

საკუთარი უნიკალურობით საქართველოს ტურიზმის სფერო არსებული გამოწვევების თვალსაზრისით, იქნება ერთ-ერთი ლიდერი და ექნება პრეტენზია იყოს გლობალური ტურიზმის ერთ-ერთი წამყვანი ქვეყანა“, - განაცხადა გახარიამ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან