|
2020-09-14 16:41:05, 1244 ნახვა
ეკონომიკა
ნათია თურნავა - პანდემიის მიუხედავად, ეკონომიკა და ბიზნესი მუშაობას შეუფერხებლად გააგრძელებს
„პანდემიის მიუხედავად, ეკონომიკა შეუფერხებლად გააგრძელებს მუშაობას, ბიზნესი გააგრძელებს მუშაობას, ჩვენი კლინიკური სექტორი, ჩვენი ეპიდემიოლოგები ასევე გააგრძელებენ და კიდევ უფრო მეტად გააძლიერებენ პრევენციაზე და ვირუსის გამოვლენაზე მუშაობას", - ამის შესახებ ეკონომიკისა და მდგრადი განვითარების მინისტრმა დღეს მთავრობის კანცელარიაში გამართულ ბრიფინგზე განაცხადა. ამასთან, ნათია თურნავას განმარტებით, ქვეყანას ადეკვატური შესაძლებლობა აქვს როგორც ტესტირების სიმძლავრეების, ასევე საავადმყოფოების თვალსაზრისით. მინისტრის თქმით, მთავრობა ყველაფერს გააკეთებს იმისთვის, რომ გააძლიეროს ის პირველი დადებითი ნიშნები, რომლებიც უკვე გაჩნდა ჩვენს ეკონომიკაში, მიუხედავად მსოფლიოში არსებული გლობალური პანდემიისა. „მათ შორის თუნდაც პირდაპირი უცხოური ინვესტიციების პოზიტიური დინამიკა; ეკონომიკური ვარდნის ტემპის არსებითი შემცირება; ადგილობრივი წარმოების ექსპორტის ზრდა, რაც უკვე ივნის-ივლისში შეინიშნება; მათ შორის საერთაშორისო სარეიტინგო სააგენტოების ის პოზიტიური შეფასებები, რომლებიც ძალიან დიდი იმედით უყურებენ ჩვენს ეკონომიკას. ეს არის ადაპტაციის ეტაპის მთავარი არსი - ვიცხოვროთ პანდემიასთან ერთად, ჩვენმა ეკონომიკამ მუშაობა გაგრძელოს პანდემიის მიუხედავად. ჩვენ, მთავრობა სრულად ვმართავთ ამ სიტუაციას და ვუზრუნველყოფთ ჩვენი ეკონომიკის ფუნქციონირების შეუფერხებელ გაგრძელებას", - აღნიშნა ნათია თურნავამ. ეკონომიკისა და მდგრადი განვითარების მინისტრმა ასევე აქცენტი გააკეთა ამ სიტუაციაში კერძო სექტორის პასუხისმგებლობის მნიშვნელობაზე. მისი თქმით, ძალიან დიდი მნიშვნელობა აქვს, თუ რამდენად იცავს თითოეული კონკრეტული ბიზნესსუბიექტი და იქ დასაქმებული თითოეული ადამიანი დაწესებულ რეკომენდაციებს და წესებს. „მასშტაბური კარანტინი არ იგეგმება, ეს არ დაგვჭირდება, ასევე არ იგეგმება მასშტაბური დარგობრივი შეზღუდვები, მაგრამ მოხდება თუ არა ამა თუ იმ კონკრეტულ კომპანიაში ინფიცირების შემთხვევები და მათი გავრცელება, დიდადაა დამოკიდებული იმაზე, იცავენ თუ არა წესებს ამა თუ იმ კომპანიის თანამშრომლები", - განაცხადა მან.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



