2020-09-12 16:18:05, 1793 ნახვა

---

შალვა კერესელიძე - გვახსოვს, რამდენიმე წლის წინ რა მდგომარეობა იყო ყაზბეგში და ახლა ვხედავთ, როგორ სწრაფად ვითარება ეს მშვენიერი და დალოცვილი მხარე

ღრმად მწამს, რომ მოხევეები კიდევ ერთხელ მიიღებენ ისეთ ღირსეულ გადაწყვეტილებას, როგორც ყოველთვის, როცა ქვეყნის, ხელისუფლების და ხალხის სასარგებლოდ მოქმედებენ,- ამის შესახებ მცხეთის, დუშეთის, თიანეთის და ყაზბეგის მაჟორიტარი დეპუტატობის კანდიდატმა შალვა კერესელიძე, ყაზბეგში მისი კანდიდატურის წარდგენისას განაცხადა.

როგორც კერესელიძე აღნიშნავს, მისი გუნდის პრიორიტეტი მაღალმთიანი რეგიონების, სოფლების და ხეობების მხარდაჭერა იქნება.

„ხევი თავისი ისტორიიდან გამომდინარე ყოველთვის იყო ჩვენი ქვეყნისთვის ერთ-ერთი ყველაზე საიმედო დასაყრდენი კუთხე და მხარე. ამიტომაც იყო, რომ ხევი და დარიალის ხეობა ქართული სახელმწიფოებრიობისთვის ყოველთვის განსაკუთრებულ ყურადღებას იმსახურებდა. აქ არის ხალხი შესანიშნავი ბუნებით, ტრადიციებით და ამიტომაც არის, ჩვენი ქვეყნის ისტორიას რომ გადავხედოთ, უხვადაა მაგალითები მოხევეების გმირობის, თავდადების, ქვეყნისა და სამშობლოს წინაშე, მაგრამ არ არსებობს არცერთი ფურცელი საქართველოს ისტორიაში, სადაც იქნება დაფიქსირებული მოხევეების მხრიდან ღალატი. ისინი ყოველთვის ქვეყნის მიმართ უსაზღვრო სიყვარულითა და ერთგულებით გამოირჩეოდნენ. მართლაც განსაკუთრებული ხალხი ცხოვრობს ხევში, განსაკუთრებული მეგობრობაც იცით და განსაკუთრებული ერთგულებაც. ტრადიციებსაც განსაკუთრებულად იცავთ და ქვეყანასაც. ჩემთვის, როგორც პარტია ქართული ოცნების“ მაჟორიტარი დეპუტატობის კანდიდატისთვის და ჩემი გუნდისთვის, ერთ-ერთი მთავარი მიზანი იქნება მაღალმთიანი ხეობების და სოფლების მხარდაჭერა. ამ მხრივ დამეთანხმებით ბევრი რამ გაკეთდა ყაზბეგში. განსაკუთრებით ინფრასტრუქტურული კუთხით. არ შემიძლია ყურადღება არ გავამახვილო ტურიზმზე. ტურიზმმა გამოაცოცხლა ყაზბეგის მთელი მუნიციპალიტეტი. ყოველთვის ვამბობდი და ვამბობ მოსახლეობასთან შეხვედრის დროს, ჩემს კოლეგებთან, რომ ყაზბეგი არის შესანიშნავი კლასიკური მაგალითი, როგორ შეიძლება მაღალმთიან ხეობაში ადამიანებმა იცხოვრონ ნორმალურად და ღირსეულად. გვახსოვს, რა მდგომარეობა იყო ყაზბეგში რამდენიმე წლის წინ და ახლა, ყველა კარგად ვხედავთ, როგორ სწრაფად ვითარება ეს მშვენიერი და დალოცვილი მხარე. ეს სწორედ ტურიზმის დამსახურებაა. მაღალმთიანი რეგიონების, სოფლების და ხეობების მხარდაჭერა იქნება ჩვენი ერთ-ერთი პრიორიტეტი, როგორც ტურიზმის, ასევე სოფლის მეურნეობის მიმართულებით, რომ შევქმნათ ის სახელმწიფო მიზნობრივი პროგრამები და პროექტები, რომელიც უშუალოდ ორიენტირებული იქნება მაღალმთიან სოფლებში მოსახლეობის დაბრუნებაზე, ახალგაზრდების დამაგრებაზე და ხევის განვითარებაზე. მე ღრმად მწამს, რომ მოხევეები კიდევ ერთხელ მიიღებენ ისეთ ღირსეულ გადაწყვეტილებას, როგორც ყოველთვის, როცა ქვეყნის, ხელისუფლების და ხალხის სასარგებლოდ მოქმედებენ. მჯერა, პარტია „ქართული ოცნება“ მთელი ყაზბეგის მასშტაბით გაიმარჯვებს ღირსეულად და ჩვენ 31 ოქტომბერს ერთად ვიზეიმებთ ძალიან დიდ წარმატებას. დარწმუნებული ვარ, ჩვენს რეგიონში თითოეულ მუნიციპალიტეტში და განსაკუთრებით ყაზბეგის მუნიციპალიტეტში „ქართულ ოცნებას“ ჰყავს ძალიან დიდი და ძლიერი გუნდი“,- განაცხადა კერესელიძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი