|
2020-09-11 17:13:23, 2689 ნახვა
ეკონომიკა
ნათია თურნავა - საქართველო ბევრი შესაძლებლობების ქვეყნაა, სადაც მარტივად, სწრაფად და ბიუროკრატიის გარეშე ფუძნდება ახალი კომპანიები
ეკონომიკისა და მდგრადი განვითარების მინისტრმა ნათია თურნავამ საინვესტიციო ლოკაციების კონსულტანტებს უმასპინძლა, რომლებიც სააგენტოს "აწარმოე საქართველოში" ორგანიზებითა და USAID-ის მხარდაჭერით საქართველოს აშშ-დან, გერმანიიდან და ბალტიისპირეთიდან ეწვივნენ. ლოკაციების კონსულტანტები საქართველოს საინვესტიციო გარემოს გაეცნენ და კერძო და საჯარო სექტორის წარმომადგენლებს შეხვდნენ. საქართველოში მყოფი საინვესტიციო ლოკაციების კონსულტანტები წარმოადგენენ კომპანიებს - KPMG, Conway და GDP Global. სამივე მათგანს ტრანსნაციონალურ კომპანიებსა და მთავრობებთან ერთად სხვადასხვა საინვესტიციო პროექტებზე მუშაობის მრავალწლიანი გამოცდილება აქვს. ეკონომიკისა და მდგრადი განვითარების მინისტრმა შეხვედრისას საინვესტიციო ლოკაციების კონსულტანტებს საქართველოში არსებული ბიზნესგარემო და ინვესტორების მოზიდვის პროაქტიული სტრატეგია გააცნო, რომელიც ჯერ კიდევ პანდემიამდე დაიწყო, თუმცა პანდემიამ მას ახალი თავისებურებები შესძინა. „მაგალითად, პანდემიის პერიოდში ჩვენ დავინახეთ და მსოფლიომ დაინახა, რომ ბევრი გლობალური კომპანია ფიქრობს იმაზე, რომ შეცვალოს თავისი წარმოების ლოკაცია და მიწოდებათა ჯაჭვის გეოგრაფია. ჩვენ ამაში დავინახეთ შესაძლებლობა, რომ საქართველო შევთავაზოთ ასეთ ინვესტორებს და კომპანიებს საუკეთესო პლატფორმად, სადაც ისინი დააფუძნებენ ახალ კომპანიას, გადმოიტანენ არსებულ ბიზნესს, აქედან ივაჭრებენ მსოფლიოს 1/3-თან თავისუფალი ვაჭრობის შეთანხმებების მეშვეობით, დაამოკლებენ ლოგისტიკას და სხვა იმ უპირატესობებით ისარგებლებენ, რასაც ჩვენი საინვესტიციო გარემო სთავაზობს მათ", - აღნიშნა ნათია თურნავამ. სწორედ ამ სტრატეგიის ფარგლებში ქართულმა მხარემ, ეკონომიკისა და მდგრადი განვითარების მინისტრმა საქართველოში პირადად მოიწვია რამდენიმე ათეული ე.წ. ადგილმდებარეობის კონსულტანტი, ვინც სხვადასხვა გლობალურ კომპანიას აძლევენ რჩევას მათი ბიზნესის განთავსებასთან - გეოგრაფიულ ადგილმდებარეობასთან დაკავშირებით. ნათია თურნავას თქმით, მნიშვნელოვანია, რომ მათ რუკაზე საქართველოც გაჩნდეს - შემდეგ უკვე ისინი საქართველოს შესახებ ინფორმაციას და რჩევას მიაწვდიან სხვადასხვა ქვეყნის კომპანიას, გლობალურ ბიზნესს. „ჩვენ ჩამოვიყვანეთ საინვესტიციო ლოკაციების კონსულტანტები და მათ პირველი შთაბეჭდილება შეექმნათ საქართველოზე. რა თქმა უნდა, ისინი დარწმუნდნე, რომ საქართველო არის ბევრი შესაძლებლობის მქონე ქვეყანა, საკმაოდ კომფორტული იმისთვის, რომ აქ მარტივად, სწრაფად, გამჭვირვალედ, ყოველგვარი ბიუროკრატიის გარეშე კეთდებოდეს ბიზნესი, ფუძნდებოდეს ახალი კომპანიები, რაც ბევრ საერთაშორისო რეიტინგშია ასახული", - განაცხადა ეკონომიკის მინისტრმა.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



