|
2020-08-13 14:23:34, 1100 ნახვა
ეკონომიკა
ლევან დავითაშვილი: სახელმწიფო პროგრამა შეიქმნა იმისათვის, რომ ფერმერებს არ დარჩეთ ჩაუბარებელი მოსავალი
დღეს მთავრობამ მიიღო ძალიან მნიშვნელოვანი გადაწყვეტილება, რომელიც ვაშლის მოსავლის დაბინავების ხელშემწყობ ღონისძიებებს უკავშირდება. განხორციელდება სუბსიდირების პროგრამა, რომელიც რამდენიმე წლის წინაც გვქონდა. იმ შემთხვევაში, როდესაც მოსავალი არის საკმაოდ დიდი და წელს, ძირითადად შიდა ქართლის რეგიონში ველოდებით 120 000 ტონაზე მეტ ვაშლს, მთავრობა, საერთაშორისო კონიუნქტურის გათვალისწინებით, გარკვეულ ინტერვენციებს ახორციელებს. წელს მსოფლიოში ვაშლის მოსავლის მოლოდინი არის ძალიან მაღალი. იმისათვის, რომ ფერმერებს ჩაუბარებელი არ დარჩეთ საკუთარი შრომის შედეგად მოყვანილი პროდუქტი, მთავრობამ შეიმუშავა პროგრამა, რომელიც გულისხმობს 10 თეთრიან სუბსიდირებას 1 კილოგრამ ვაშლზე. იმ შემთხვევაში, თუ კომპანიები, მინიმუმ, 22 თეთრს გადაუხდიან ჩამბარებელს, მიიღებენ 10 თეთრის კომპენსაციას. ეს არის ძალიან მნიშვნელოვანი პირობა, რომ ჩაუბარებელი არ დარჩეს მოსავალი და ფერმერებმა ანაზღაურება მიიღონ. მთავრობის გადაწყვეტილება არის მასტიმულირებელი მექანიზმი კომპანიებისთვის, რათა მათ ჰქონდეთ წვდომა საბრუნავ საშუალებებზე, არ მოხდეს სახელმწიფოს ჩარევა უშუალოდ შესყიდვებში და ეს განახორციელოს გადამმუშავებელმა კერძო კომპანიებმა, რომლებიც, ძირითადად, ვაშლის წვენის კონცენტრანტს აწარმოებენ. კონცენტრატი საექსპორტო პროდუქტია და ევროკავშირის ქვეყნებში გადის. კომპანიებს ერთწლიანი საბრუნავი საშუალებების პროცენტს დავუფინანსებთ იმ შემთხვევაში, თუ საბანკო კრედიტი არ იქნება 16 %-ზე მეტი. ჩვენ დავაფინანსებთ ნახევარს, 8 %-ს. ასეთივე მიდგომაა იმ შემთხვევაშიც, თუ იქნება ცვლადი საპროცენტო განაკვეთი. პროგრამა განხორციელდება 15 დეკემბრამდე, სეზონი დაიწყება სექტემბრიდან. ჩვენ მობილიზებული გვეყოლება სამუშაო-საორგანიზაციო შტაბი გორის მუნიციპალიტეტში, სადაც განთავსებულია 10-მდე გადამმუშავებელი ქარხანა. პროცედურები დაახლოებით ისეთივეა, როგორც რთველის შემთხვევაში. კომპანიებს მოეთხოვებათ, ჰქონდეთ უწყვეტი ინტერნეტკავშირი და ვიდეოკამერები, იმისთვის, რომ მოხდეს პროცესის მაღალ დონეზე, ორგანიზებულად ჩატარება და კონტროლი.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



