10:57 - 18 Nov, 2026
ჩვენ შესახებ რეკლამა/ხელმოწერა
2020-08-12 12:46:20, 1035 ნახვა

ეკონომიკა
შემოსავლების სამსახურსა და საქართველოს ფოსტას შორის ურთიერთთანამშრომლობის მემორანდუმი გაფორმდა

ფინანთა სამინისტროს შემოსავლების სამსახურსა და საქართველოს ფოსტას შორის ურთიერთთანამშრომლობის მემორანდუმი გაფორმდა. დოკუმენტს ხელი ორი უწყების ხელმძღვანელმა პირებმა, ლევან კაკავამ და ლევან ჩიკვაიძემ მოაწერეს.

მემორანდუმის გაფორმების მიზანია, საერთაშორისო ვაჭრობაში მონაწილე პირთათვის საზღვრის კვეთისას, გამარტივებული საბაჟო კონტროლის პროცედურებისა და ზედამხედველობის განხორციელება, ასევე, მომსახურების ხარისხის გაუმჯობესება და ინფორმაციის წინასწარი დამუშავების უზრუნველყოფა წარმოადგენს.

აღსანიშნავია, რომ საქართველოს ფოსტა მსოფლიო საფოსტო კავშირის პროექტის (SECUREX) ფარგლებში, ჩართულია წინასწარი საბაჟო დეკლარირების ელექტრონულ სისტემაში, რომელიც საფოსტო ადმინისტრაციებსა და შემოსავლების სამსახურის საბაჟო დეპარტამენტს შორის, გზავნილების შესახებ ინფორმაციის წინასწარ გაცვლას ითვალისწინებს.

ახალი პროგრამული უზრუნველყოფის საერთაშორისო სისტემაში იმპლემენტაციას, მსოფლიო საფოსტო კავშირის ტექნოლოგიების ცენტრისა და „UNCTAD"-ს ექსპერტებთან ერთად, საქართველოს ფოსტის, ფინანსთა სამინისტროს შემოსავლების სამსახურის საინფორმაციო ტექნოლოგიების ცენტრისა და საბაჟო დეპარტამენტის თანამშრომლები განახორციელებენ.

შეხვედრისას, შემოსავლების სამსახურის უფროსმა ლევან კაკავამ მხარეებთან მემორანდუმის მნიშვნელობაზე ისაუბრა და აღნიშნა, რომ თანამშრომლობა გაამარტივებს ორ უწყებას შორის ინფორმაციის წინასწარი დამუშავების შესაძლებლობას.

,,აღნიშნული პროექტის წარმატებით განხორციელება, შეამცირებს საბაჟო ფორმალობების  და პროცედურებისთვის საჭირო დროს. ამასთან, მაღალი სტანდარტით მომსახურება უზრუნველყოფს თითოეული გზავნილის ადრესატამდე დროულ მიტანას, რაც განაპირობებს შემოსავლების სამსახურისა და საქართველოს ფოსტის წარმატებას, როგორც ადგილობრივ, ასევე საერთაშორისო ბაზარზე,"- განაცხადა ლევან კაკავამ.

აღნიშნული პროექტის საპილოტე პროგრამის გაშვება 2021 წლის იანვრიდან იგეგმება.





ავტორი: NS (სტატია დაფინანსებულია),


სოციალური ქსელები
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics