„საქართველოში წლების განმავლობაში ლაპარაკობენ მხოლოდ საკუთარ თავზე და არ ლაპარაკობენ საკუთარ ხალხზე, ხალხს მობეზრდა, ყელში ამოუვიდა და სამართლიანადაც“ ,- ამის შესახებ საქართველოს ექსპრეზიდენტმა, მიხეილ სააკაშვილმა ტელეკომპანია „ტვ პირველის“ დღის ამბებში განაცხადა.

მან ასევე აღნიშნა, რომ ივანიშვილმა 2012 წელს ფულით გააერთიანა ხალხი და დღესაც იგივეს ცდილობს.

“პარტიები ხალხს მობეზრდა, ყელში ამოუვიდა და სამართლიანადაც. მობეზრდა ერთი და იგივე ადამიანების ყურება. რა თქმა უნდა, მათ შორის არიან ღირსეული ადამიანები, დამსახურებული ადამიანებიც, მაგრამ მთლიანობაში, ძირითადი ნაწილი ხალხისთვის არის უკვე სრულიად გაუგებარი იმიტომ, რომ საქართველოში წლების განმავლობაში ლაპარაკობენ მხოლოდ საკუთარ თავზე და არ ლაპარაკობენ საკუთარ ხალხზე

2012 წელს ივანიშვილმა გააერთიანა ხალხი ფულით. 2020-ში ის ასევე ცდილობს, იმუშაოს ფულით და ცდილობს შექმნას ილუზია, რომ არ ხდება გაერთიანება. ეს პრობლემა საერთოდ არ არის იმიტომ, რომ ჩვენ, მართლაც, ნაციონალურ მოძრაობაში გვექნება წარმოდგენილი ძალიან ფართო საზოგადოებრივი კოალიცია. ძალიან ბევრი საინტერესო ადამიანი შემოვა ქართულ პოლიტიკაში

მე არა ვარ პარტიული სახელების კოლექციონერი. აღარ მიზიდავს, რაღაცნაირად, ბევრი პარტიული სახელის სადღაც ჯიბეში ჩადება, მით უმეტეს, ეს ჯიბე არ არსებობს. არსებობს ბრძოლა, ბრძოლაში ვინც არის წინ ის არის ABBA-ის სიმღერაში როგორც არის - The winner takes it all, გამარჯვებული მიიღებს ყველაფერს. და გამარჯვებული იქნება ის, ვინც იქნება ყველაზე ბრძოლისუნარიანი” , - განაცხადა მიხეილ სააკაშვილმა.

ავტორი: ექსპრესნიუსი,

სოციალური ქსელები

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება

EU-მ რუსეთის სამხედრო-სამრეწველო კომპლექსის წინააღმდეგ სანქციების უპრეცედენტო პაკეტი დაამტკიცა