2015-01-05 12:22:27, 6544 ნახვა
სამართალი
თელავში ხე-ტყის უკანონო მოპოვების ფაქტი გამოავლინეს
გარემოსდაცვითი ზედამხედველობის დეპარტამენტის კახეთის სამსახურის თანამშრომლებმა, თელავის მუნიციპალიტეტის სოფელ ვარდისუბანში, მდინარე თურდოს ხეობაში ხე-ტყის უკანონოდ მოპოვების ფაქტი გამოავლინეს.
გარემოს დაცვის სამინისტროს ინფორმაციით, სამართალდამრღვევებს ჩამოერთვათ 18 ძირი ფიჭვისა და ვერხვის ჯიშების პირველი ხარისხის ხე-ტყე.
მათივე ცნობით, გარემოზე მიყენებული ზიანის ოდენობა 5470 ლარს შეადგენს.
მასალები შემდგომი რეაგირებისთვის გადაიგზავნა შსს თელავის რაიონულ სამმართველოში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
