ოთარ დანელია პურის შესაძლო გაძვირებაზე: რთულია ამაზე კი, ან არა გიპასუხოთ

2015-09-04 13:08:21, 630 ნახვა

საზოგადოება

სოფლის მეურნეობის მინისტრი ოთარ დანელია ზუსტ პროგნოზს ვერ აკეთებს, ელექტროენერგიის ტარიფის გაზრდის გამო, მოიმატებს თუ არა პურის ფასი.

თუმცა, მისივე თქმით, უწყება მაქსიმალურად ცდილობს, მეწარმეებისთვის დაბრკოლებები მინიმუმამდე დაიყვანოს.

„ძალიან რთულია, ცალსახად კი, ან არა გიპასუხოთ. ვფიქრობ, მოვლენებს წინ არ უნდა გავუსწროთ. ვინაიდან, კონტრიბუცია ელექტროენერგიის არ არის კრიტიკული. არსებობს სხვადასხვა ბიზნეს მოდელი, ტექნოლოგია. ძალიან მნიშვნელოვანია ჩვენთვის, ხელი შევუწყოთ იმ მეწარმეებს, რომლებიც აწარმოებენ პურს და მნიშვნელოვანია მინიმუმამდე დავიყვანოთ ის დაბრკოლებები, თუ სადმე შეიძლება რამე ჰქონდეთ. სწორედ ამ მოტივით, მე შეგახსენებთ, რომ ფქვილის რეგლამენტი მომდევნო წლის 1 იანვრისთვის გადავავადეთ“, - განაცხადა ოთარ დანელიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან