საზოგადოებრივი ინტერესის გათვალისწინებით, ფინანსთა სამინისტროს შემოსავლების სამსახური განმარტავს, რომ 2020 წლის 10 ივლისს, 01:00 საათზე, მონიტორინგის სამმართველოს თანამშრომლები, კანონმდებლობით მინიჭებული უფლებამოსილების ფარგლებში, ახორციელებდნენ უკანონო საქონლის ტრანსპორტირების ფაქტების მონიტორინგს.

შესაბამისად, მცდარია ჟურნალისტ ელისო კილაძის მიერ, სოციალურ ქსელ facebook-ზე ატვირთულ ვიდეომასალაში გაკეთებული განცხადებები, სადაც კითხულობს, თუ რას აკეთებს  შემოსავლების სამსახურის კუთვნილი ავტომანქანა ღამის პირველ საათზე არაგვის ხიდის მიმდებარე  ტერიტორიაზე, სადაც  „არ არის არც საბაჟო გამშვები პუნქტი და არც სხვა რამე“ და პირდაპირ აცხადებს, რომ ჟურნალისტური გამოძიების პროცესში, მას შემოსავლების სამსახურის წარმომადგენლები უთვალთვალებენ, რაც ასევე მცდარი ბრალდებაა. 

კიდევ ერთხელ აღვნიშნავთ, რომ საგადასახადო მონიტორინგის დეპარტამენტის  ოფიცრების მიერ, ქვეყნის მასშტაბით, 24-საათიან რეჟიმში, (სამსახურის კუთვნილი ავტოსატრანსპორტო საშუალებებით) მიმდინარეობს კანონმდებლობით გათვალისწინებული ფუნქციის - საგადასახადო  შემოწმების ღონისძიებების, მათ შორის, სავალდებულო მარკირებას დაქვემდებარებული უაქციზო საქონლის, სასარგებლო წიაღისეულისა და უკანონო ხე–ტყის პირველადი გადამუშავების პროდუქტის ტრანსპორტირების კონტროლი.

ასევე, აღვნიშნავთ, რომ ელისო კილაძის facebook - ის პირად გვერდზე, ამავე სოციალური ქსელის მომხმარებელმა ლევან მ. მიმართა უცენზურო სიტყვებით. აღნიშნული პიროვნება არის შემოსავლების სამსახურის თანამშრომელი, რომელსაც როგორც საჯარო მოხელეს, გააჩნია თმენის ვალდებულება. იმის გამო, რომ ცალსახად დარღვეულია საჯარო მოხელის ეთიკის კოდექსით გათვალისწინებული ნორმები, სამსახურებრივი მონიტორინგის დეპარტამენტმა განახორციელა სამსახურებრივი მოკვლევა, რომლის საფუძველზე ლევან. მ-ს  შემოსავლების სამსახურის შინაგანაწესის მე-17 მუხლის მე-2 პუნქტის „ბ“ ქვეპუნქტის შესაბამისად განესაზღვრა დისციპლინური პასუხისმგებლობის ზომა „გაფრთხილება“.

ავტორი: NS (სტატია დაფინანსებულია),

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times