|
2020-07-08 18:42:10, 4137 ნახვა
ეკონომიკა
ნათია თურნავა - ყველა ქვეყანა და ჩვენც პირველ რიგში ვხელმძღვანელობთ ჩვენი მოსახლეობის უსაფრთხოებისა და ჯანმრთელობის დაცვის ინტერესებით
"დღეს, როდესაც გლობალური გამოწვევა დაუდგა მთლიანად მსოფლიოს, ნებისმიერი ქვეყანა, პირველ რიგში, საკუთარი მოსახლეობის ინტერესებით ხელმძღვანელობს და აქედან გამომდინარე, აწესებს ან არ აწესებს დამატებით შეზღუდვებს. იმ ხუთ ქვეყანას, რომელთანაც ვხსნით საზღვრებს, შესაძლოა დაემატოს სხვა სახელმწიფოებიც და ამაზე ვმუშაობთ, თუმცა, არც ის უნდა გამოვრიცხოთ, რომ ამ ხუთ ქვეყანაშიც შესაძლოა რაღაც შეიცვალოს, რადგან ყველა და მათ შორის ჩვენც, საქართველოს ხელისუფლება, როგორც ყოველთვის, გადაწყვეტილებებს ვიღებთ პირველ რიგში, ჩვენი მოსახლეობის უსაფრთხოებისა და ჯანმრთელობის დაცვის ინტერესებიდან გამომდინარე", - განაცხადა ნათია თურნავამ. ეკონომიკის მინისტრმა კიდევ ერთხელ განმარტა, რომ მიუხედავად საერთო გადაწყვეტილებისა, რომ ევროკავშირის შიგნით გაიხსნას საზღვრები, ზოგიერთი წევრი ქვეყანა მაინც დროებით შეზღუდვებს აწესებს. „ამ თვალსაზრისით, მუდმივად არის ბევრი ცვლილება, მაგალითად, ბოლო სიახლეა, რომ ესპანეთმა გარკვეული პლაჟები ჩაკეტა, რადგან ბრიტანეთიდან ძალიან დიდი ნაკადი მიაწვა, ასევე სერბეთმა მიიღო გარკვეული შეზღუდვის გადაწყვეტილება მონტენეგროსთან მიმართებაში. ქვეყნები, გამომდინარე ცვალებადი ეპიდემიოლოგიური ვითარებიდან, ერთმანეთშიც კი დამატებით შეზღუდვებს აწესებენ", - აღნიშნა მინისტრმა. ნათია თურნავას თქმით, მთელ რიგი ქვეყნები, მათ შორის საქართველოს მიმართაც, ამ ეტაპზე არ ხსნიან საზღვრებს. ეს ქვეყნებია: ავსტრია, ბელგია, ბულგარეთი, დანია, ნორვეგია, მალტა, ფინეთი, შვეიცარია, ჩეხეთი, სლოვაკეთი და უნგრეთი. "რაც შეეხება უნგრეთს, იცით, რომ ამ ქვეყნის საგარეო საქმეთა მინისტრი იმყოფებოდა ჩვენთან, ეს იყო პანდემიის პირობებში მისი პირველი მაღალი რანგის ოფიციალური ვიზიტი. ჩვენ შევთანხმდით, რომ შევქმნით სამუშაო ჯგუფს, რომელიც დააკვირდება მიმდინარე ვითარებას და გადაწყვეტილება ვითარების შესაბამისად იქნება მიღებული - იმ ხუთ ქვეყანას, შესაძლოა დაემატოს უნგრეთი, ასევე რომელიმე სხვა ქვეყანა", - განაცხადა ნათია თურნავამ.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



