2020-07-06 11:16:59, 1819 ნახვა
საზოგადოება
სუს-მა ოკუპირებულ აფხაზეთში დაჭრილ მამაკაცთან დაკავშირებით ცხელი ხაზი გაააქტიურა
ოკუპირებულ აფხაზეთში სავარაუდოდ, ცეცხლსასროლი იარაღიდან შუახნის მამაკაცის დაჭრის ფაქტთან დაკავშირებით სახელმწიფო უსაფრთხოების სამსახურმა ცხელი ხაზი გაააქტიურა.
აღნიშნულის შესახებ ინფორმაცია „ექსპრესნიუსს“ სუს-ში დაუდასტურეს.
უწყების განცხადებით, დამატებითი დეტალების გასარკვევად აქტიური კომუნიკაცია მიმდინარეობს.
„შესაძლო ფაქტთან დაკავშირებით ცხელი ხაზი გავაქტიურეთ და მიმდინარეობს დამატებითი დეტალების გასარკვევად აქტიური კომუნიკაცია“, - აცხადებენ სუს-ში.
ცნობისთვის, რუსი ოკუპანტების მიერ დაჭრილი საქართველოს მოქალაქე ზუგდიდის რეფერალური საავადმყოფოდან ქუთაისში გადაიყვანეს.
ავტორი: ექსპრესნიუსი,
epn.ge (@expressnews.ge)
