„ქართული ონცება“ 8 მარტის შეთანხმების შეუსრულებლობით მთავარ სტრატეგიულ პარტნიორთან ურთიერთობაზე უარს აცხადებს“ , - ამის შესახებ პარტია „ერთიანი ნაციონალური მოძრაობის“ წევრმა სალომე სამადაშვილმა განაცხადა.

მან ასევე აღნიშნა, რომ დოკუმენტში ვრცლად იყო საუბარი გავრილოვის ღამეზეც და მის შედეგებზეც.

„ამ დოკუმენტში საუბარი არის ვრცლად, როგორც გავრილოვის ღამეზე და შემდეგ განვითარებულ მოვლენებზე, ასევე 8 მარტის შეთანხმებაზე და აღნიშნულია, რომ ამ შეთანხმების ნაწილია პოლიტპატიმარი გიორგი რურუას გათავისუფლება საპატიმროდან და შესაბამისად ეს კიდევ ერთხელ ადასტურებს რომ არ არსებობს არანაირი ეჭვი, იმასთან დაკავშირებით, რომ 8 მარტის შეთანხმების პირობით გიორგი რურუა უნდა გათავისუფლდეს. მე ვერ წარმომიდგენია უფრო ძლიერი პოლიტიკური გზავნილი ჩვენი მთავარი სტრატეგიული მოკავშირისგან, ვიდრე მსგავსი საკანონმდებლო ინიციატივის დაყენება ამერიკის შეერთებული შტატების სენატში, რომელიც გვეუბნება, რომ დღეს 8 მარტის შეთანხმების ჩავარდნა პირდაპირ უქმნის საფრთხეს ჩვენ სტრატეგიულ ურთიერთობებს, ამერიკის შეერთებულ შტატებთან. მე მინდა მოვუწოდო ქართულ ოცნებას და ივანიშვილს, ან თქვენ შეასრულებთ 8 მარტის შეთანხმებას გაათავისუფლებთ გიორგი რურუას და მოგვცემთ შესაძლებლობას მხარი დაუჭიროთ საკონსტიტუციო ცვლილებებს, ან თქვენ ღიად აცხადებთ, რომ მათ შორის სამხედრო მიმართულებით თანამშრომლობა ამერიკის შეერთებულ შტატებთან აღარ არის პრიორიტეტული“,- განაცხადა სალომე სამადაშილმა.

შეგახსენებთ, რომ ამერიკის შეერთებული შტატების სენატორების დოკუენტში ნათქვამი იყო რომ შეთანხმების მიუხედავათ გიორგი რურუა ისევ პატიმრობაში რჩება.

ავტორი: ექსპრესნიუსი,

სოციალური ქსელები

10 000 ლარი დევნილი ოჯახის თითოეულ წევრზე ახალი ბინის ნაცვლად - მთავრობა ალტერნატიულ პროგრამას აანონსებს

ირაკლი კობახიძე – 12 000 ლარზე ნაკლებ ხელფასს თუ აძლევ მინისტრს, ეს ნიშნავს, რომ უბიძგებ კორუფციისკენ

კობახიძე – თუ დააკვირდებით, აღარ აქვეყნებენ ხოლმე ოპოზიციური არხები ინფლაციის მონაცემებს, ვფიქრობ, შეცვლილი ტენდენციები არის იმ პროცესის შედეგი

კობახიძე – კორუფცია არ იყო 14-წლიანი პრობლემა