2020-06-18 10:32:46, 1678 ნახვა
პოლიტიკა
დონალდ ტუსკი - შეშფოთებული ვართ იმით, რომ გიორგი რურუა ისევ ციხეშია
„ჩვენ შეშფოთებული ვართ, რომ გიორგი რურუა ისევ ციხეშია“, - ამის შესახებ ევროპის სახალხო პარტიის თავმჯდომარე, დონალდ ტუსკი სოციალურ ქსელ „ტვიტერში“ წერს.
ტუსკი მხარეებს შეთანხმების სრულად განხორციელებისა და რურუას გათავისუფლებისკენ მოუწოდებს.
„ევროპის სახალხო პარტია მიესალმება 8 მარტს მიღწეულ შეთანხმებას საქართველოს მთავრობასა და ოპოზიციას შორის, როგორც ნაბიჯს, რომელიც დაძაბულობის შესამცირებლად გადაიდგა. ჩვენ შეშფოთებული ვართ, რომ გიორგი რურუა ისევ ციხეშია. მხარეებს მოვუწოდეთ შეთანხმების სრულ განხორციელებას და რურუას განთავისუფლებას“, - წერს ტუსკი „ტვიტერზე“.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
