საქართველოს საპატრიარქო თბილისში, კერძოდ ისანში, წულაძის 23 ნომერში, მის კუთვნილებაში არსებულ მიწაზე, ეკლესიის და 2 მრავალბინიანი კორპუსის მშენებლობას აპირებს. ინფორმაცია ამის შესახებ ტელეკომპანია ფორმულამ გაავრცელა.
ეს პროექტი 2016 წელს დედაქალაქის იმჟამინდელ მერს, დავით ნარმანიას  ბოდბელმა ეპისკოპოსმა გადასცა, რომელიც ძველი საქვაბის ტერიტორიას, 5338 კვადრატული მეტრ მიწას სთხოვდა სახელმწიფოს. მოთხოვნას იაკობმა თან დაურთო იმ ეკლესიის ესკიზი, რომელიც ერთ  ლარად მიღებულ მიწაზე უნდა აეგოთ. ზემოთ აღნიშნული პროექტის პირველადი სახე მხოლოდ ეკლესიას მოიცავდა, რომელიც  ბერი გაბრიელ სალოსის სახელობის უნდა ყოფილიყო, იმ მიზეზით, რომ იგი სწორედ, თბილისში,  წმინდა ბარბარეს ეკლესიის მახლობლად, ნავთლუღში დაიბადა. ნარმანიამ საპატრიარქოს წინა საარჩევნო პერიოდში მიწა გადასცა, პროექტი მერიის არქიტექტურის სამსახურმა მოიწონა და  წინამოსამზადებელი სამუშაოების დაწყების ნებართვა გასცა.
თუმცა როგორც ირკვევა გეგმა შეიცვალა. ამჟამად საპატრიარქო ეკლესიასთან ერთად ორი მრავალბინიანი კორპუსის აშენებას გეგმავს და მიზეზად სოციალური პროექტს ასახელებს, კერძოდ ტაძრებში მცხოვრები მოსახლეობის დახმარებას.
საპატრიარქოს განმარტებით ბარათში, რომელიც მან თბილისის ურბანული განვითარების სამსახურს წარუდგინა, ასახულია ის მისამართები და ოჯახების რაოდენობა, რომლებიც ამჟამად სხვადასხვა ტაძრებში და მის შემოგარენში ცხოვრობენ, ხოლო საპატრიარქოს ინიციატივით, ბერი გაბრიელ სალოსის ტაძრის ტერიტორიაზე აშენებულ მრავალ ბინიან კორპუსში ისინი საცხოვრებელ ფართს მიიღებენ. 
მათ მიერ წარდგენილი გეგმით, ამ ორ კორპუსში​ სულ  129 ბინა მოეწყობა და 711 მოსახლეზე იქნება გათვლილი. საპატრიარქოს მერიის სამსახურში ასევე წარდგენილი აქვს 25 მოქალაქის სია, რომლებიც ამჟამად მთავარანგელოზის სახელობის ტაძარში ცხოვრობენ. დოკუმენტაციაში ვკითხულობთ, რომ კორპუსებში 250 ბინა და 1500 კვადრატული მეტრი კომერციული ფართი განთავსდება, პროექტი 8 მილიონი ლარი  ჯდება.
მერიამ პროექტის განაშენიანების რეგულირების გეგმის გეგმარებით დავალებას მხარი დაუჭირა, თუმცა მასზე გადაწყვეტილება საკრებულომ უნდა მიიღოს. შესაბამისად, მშენებლობაზე პროექტი არქიტექტურის სამსახურში და საბოლოო ნებართვა ჯერ არ მიუღიათ, თუმცა მიუხედავად ამისა ზემოთ აღნიშნულ ტერიტორიაზე საპატრიარქოს დაქირავებულმა უსახელო კომპანიამ უკვე დაანგრია ძველი საქვაბე, ადგილიდან გაიტანეს სამშენებლო ნარჩენი, ტერიტორია კი შემოღობეს. 

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის