19 ივნისიდან საკონსტიტუციო ცვლილებების საკომიტეტო განხილვა დაიწყება, - ამის შესახებ პარლამენტის თავმჯდომარემ, არჩილ თალაკვაძემ პარლამენტის ბიუროს სხდომაზე განაცხადა.

როგორც მან აღნიშნა, საპარლამენტო უმრავლესობის მხრიდან პირობა შესრულდება და ცვლილებებს მხარს დაუჭერენ.

„მომდევნო კვირა არის სასესიო კვირა და ეს არის საგაზაფხულო სესიის ბოლო პლენარული კვირა. შემდგომში უკვე ჩვენ მოგვიწევს რიგგარეშე სესიის ფარგლებში მუშაობა ივლისში. მოგეხსენებათ, რომ წინ გვაქვს მნიშვნელოვანი კანონპროექტები საარჩევნო სისტემის ცვლილებასთან დაკავშირებული და სხვა არაერთი პრიორიტეტული საკითხი. რაც შეეხება საკონსტიტუციო ცვვლილებების საყოველთაო საჯარო განხილვას, პრაქტიკულად, ის დასრულდა ამ კვირაში. საჯარო განხილვების ვადა, რომელიც კანონმდებლობითა არის მოცემულია, ერთთვიანი, მთავრდება 18 ივნისს, შესაბამისად, 19 ივნისიდან შეგვიძლია გადავიდეთ საკომიტეტო განხილვებზე, ასევე ჩავატაროთ კენჭისყრები, რაც, მაღალი ალბათობით, როგორც გვაქვს დაგეგმილი, ივნისის ბოლომდე წესით უნდა დასრულდეს. ჩვენი პირობა, რა თქმა უნდა, შესრულდება, ამ ცვლილებებს ექნება ჩვენი საპარლამენტო უმრავლესობის მხარდაჭერა და ამის შემდეგ ჩვენ უკვე დავაინიცირებთ საკანონმდებლო ცვლილებებს, რომელიც ეხება საარჩევნო კოდექსს და პრაქტიკულად ყველა მნიშვნელოვანი რეკომენდაცია, რომელიც ეუთო/ოდირმა მისცა საქართველოს არჩევნებთან დაკავშირებით, რაზეც შეთანხმება მიღწეულია სამუშაო ფორმატის ფარგლებში, ასევე ასახული იქნება ამ ცვლილებებში“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

Bloomberg: ნატო უკრაინაში რუსეთის დანაკარგებს გასულ თვეში 50 000 ადამიანს აფასებს

Axios: პუტინი ჯერ არ დაეთანხმა ტრამპის მიერ უკრაინასთან გამოცხადებულ ენერგეტიკულ ზავს.

Axios: ვიტკოფმა და კუშნერმა მოსკოვში ვიზიტი გადადეს

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა