|
2020-06-11 16:38:20, 2501 ნახვა
ეკონომიკა
თურნავა: პირველ კვარტალში სახელმწიფო ქონების პრივატიზაციის კუთხით, 2019 წლის ფაქტობრივ მონაცემებს სამჯერ და მეტად გადავაჭარბეთ
ეკონომიკისა და მდგრადი განვითარების მინისტრის ინფორმაციით, წელს პირველი კვარტლის მონაცემებით, სახელმწიფო ქონების პრივატიზაციის შედეგად მიღებულმა შემოსავალმა გასული წლის შესაბამისი პერიოდის ფაქტობრივ მონაცემებს მინიმუმ 3-ჯერ გადააჭარბა. მისი თქმით, სახელმწიფო ქონების პრივატიზაციის პოლიტიკის და პროცესის მიმდინარეობის შესახებ ნათია თურნავამ დღეს მთავრობის ადმინისტრაციაში გამართულ ბრიფინგზე დეტალურად ისაუბრა. „ჩვენი პოლიტიკა სახელმწიფო ქონებასთან, მის პრივატიზაციასთან მიმართებაში არის - მაქსიმალურად, ყველგან, სადაც საქმე არ ეხება სტრატეგიულ ობიექტს, რომელიც მიზანშეწონილია, რომ სახელმწიფო საკუთრებაში დარჩეს, ყველგან უნდა ვეცადოთ, რომ ეს ობიექტები კერძო ინვესტორებს ჩაბარდეს და მოხმარდეს ეკონომიკას, ახალი სამუშაო ადგილების შექმნას. პირველი კვარტლის მონაცემებით ჩვენ პრივატიზაციის გეგმას არა უბრალოდ გადავაჭარბეთ, არამედ სამჯერ და მეტად გადავაჭარბეთ 2019 წლის პირველი კვარტლის ფაქტობრივ მონაცემებს", - განაცხადა ეკონომიკის მინისტრმა. ნათია თურნავა არსებული გამოწვევების ფონზე 2020 წლის პირველ კვარტალში პრივატიზაციის შედეგებს მისასალმებელს უწოდებს. „ეს მართლაც მისასალმებელია პანდემიის ფონზე, მაგრამ აღსანიშნავია, რომ ინერცია საკმაოდ პოზიტიური იყო - ბიზნესის დიდი ინტერესი გამოიწვია პროგრამამ "100 საინვესტიციო შეთავაზება ბიზნესს", რომელიც შარშან შემოდგომაზე დაიწყო", - აღნიშნა ეკონომიკის მინისტრმა. ამის მიუხედავად, მინისტრის განცხადებით, გლობალური პანდემიის გამო საქართველოს ეკონომიკის სულ მცირე 4%-იანი შემცირება საინვესტიციო პროცესზეც აისახება, რომლის ნაწილიცაა სახელმწიფო ქონების პრივატიზება.
„ჩვენ ყველაფერს გავაკეთებთ იმისთვის, რომ ჩვენი ოპტიმისტური პროგნოზი შესრულდეს, მაგრამ რეალისტური პროგნოზი, რომელიც ასახულია ბიუჯეტში, ისაა, რომ მცირდება ეკონომიკა, მცირდება ეკონომიკური აქტივობა და ინვესტორებისთვის, კერძო კომპანიებისთვის შედარებით უფრო რთული იქნება გადაწყვეტილების მიღება ამა თუ იმ ობიექტის პრივატიზებასთან დაკავშირებით. ამის საპირწონედ ყველაფერს ვეცდებით, რომ ოპტიმისტური პროგნოზი გამართლდეს, მაგრამ ეს არ არის მხოლოდ ჩვენზე და ქონების მართვის სააგენტოზე დამოკიდებული, სადაც ძალიან კარგი პროფესიონალები მუშაობენ. ბევრი რამ გლობალურ პროცესებზეა დამოკიდებული," - აღნიშნა ნათია თურნავამ. მინისტრის განცხადებით, პანდემიის გაძლიერების და მისი მეორე ტალღის შემთხვევაში ეს იქნება ხელისშემშლელი ფაქტორი უცხოელი ინვესტორებისთვის, რომ საქართველოში პრივატიზების პროცესში მიიღონ მონაწილეობა, ისევე როგორც ქართველი ინვესტორებისთვის. „თუმცა, პირველი კვარტლის მაგალითი გვიჩვენებს, რომ მიუხედავად ამ სირთულეებისაა, ჩვენი გაძლიერებული მუშაობით უფრო მეტი შეგვიძლია, და ჩვენ ამას ვეცდებით", - აღნიშნა მინისტრმა.
პუტინისა და სი ძინპინის მოლაპარაკებები ორ საათზე მეტხანს გაგრძელდა
პიტ ჰეგსეთის მოადგილემ გააკრიტიკა უკრაინა რუსეთის წინააღმდეგ შორი დისტანციის დარტყმების გამო და მოუწოდა ფრონტზე ფოკუსირებისკენ
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



