დაავადებათა კონტროლის ეროვნული ცენტრის ხელმძღვალნელის, ამირან გამყრელიძის განცხადებით, მსოფლიოში კორონავირუსის ზრდის მაჩვენებელი ისევ ფიქსირდება, ხოლო გარდაცვალების პროცენტი იკლებს და 5.6%-ს შეადგენს.

როგორც მან აღნიშნა, საქართველოს გამოჯანმრთელების საკმაოდ მაღალი მაჩვენებელი აქვს, რაც 84%-ს შეადგენს.

„მსოფლიოში ზრდის მაჩვენებელი ისევ ფიქსირდება და უკვე 7.5 მილიონამდე ინფიცირებულია. დაახლოებით, 416 ათასი გარდაცვლილია. გარდაცვალების პროცენტი ოდნავ ქვემოთ მოდის და 5.6%-ია. აშშ, ბრაზილია და რუსეთი კვლევა პირველი სამეული გახლავთ. ასევე არასახარბიელო სიტუაციაა უშუალოდ ჩვენს სამეზობლოში, როგორც რუსეთში, ასევე თურქეთში, აზერბაიჯანსა და სომხეთში. განსაკუთრებული ზრდის მაჩვენებლით სამწუხაროდ ხასიათდება რუსეთი და სომხეთი. რაც შეეხება ჩვენს ქვეყანას, ჩვენ დღევანდელი დილის მონაცემებით გვაქვს 828 დადასტურებული შემთხვევა 70 ათასი შესაძლო შემთხვევიდან, რომელიც იანვრის შემდგომ გამოკვლევას ექვემდებარებოდა. დღეს აქტიურია 121 შემთხვევა. გამოჯანმრთელდა უკვე 694. გამოჯანმრთელების პროცენტი საკმაოდ მაღალი გვაქვს და 84%-ს შეადგენს. საერთაშორისო გამოჯანმრთელება ალბათ, სულ 45%-ის ფარგლებშია. სამწუხაროდ იცით, რომ გვაქვს 13 გარდაცვალების შემთხვევა“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა