2020-06-09 12:20:49, 1577 ნახვა
საზოგადოება
რუსეთსა და საქართველოს შორის ავიამიმოსვლა, შესაძლოა, შემოდგომაზე აღდგეს
რუსეთსა და საქართველოს შორის ავიამიმოსვლა, შესაძლოა, შემოდგომაზე აღდგეს, - აღნიშნულ ინფორმაციას რუსეთის ტუროპერატორების ასოციაცია ავრცელებს.
ორგანიზაციის ვებ-გვერდე გამოქვეყნებული განცხადების მიხედვით, რუსეთის ტრანსპორტის სამინისტრო სხვადასხვა ქვეყნებთან გეგმავს ავიამიმოსვლის აღდგენას, რომელთა შორისაც, ერთ-ერთი პირველი ქვეყანა - საქართველოა.
"რუსული ავიაგადამზიდების ეკონომიკური მდგომარეობის უფრო სწრაფი აღდგენისთვის, განიხილება შემოდგომიდან საქართველოსა და ეგვიპტეში რეისების აღდგენა. ეს არის მიმართულებები, რომლებზეც მოთხოვნა დიდია. რაც საშუალებას მისცემს ავიაკომპანიებს დაბალ სეზონზეც მიიღონ გარანტირებული მგზავრების ნაკადი,"- წერია ტუროპერატორების ასოციაციის განცხადებაში.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
