|
2020-06-09 11:49:11, 2383 ნახვა
ეკონომიკა
ნათია თურნავამ სახმელეთო ტრანსპორტის სააგენტოს თანამშრომლებს ახალი კორონავირუსის გავრცელების საპრევენციო საქმიანობისთვის მადლობა გადაუხადა
ეკონომიკისა და მდგრადი განვითარების მინისტრმა, ნათია თურნავამ სახმელეთო ტრანსპორტის სააგენტოს თანამშრომლებს ახალი კორონავირუსის გავრცელების საპრევენციო საქმიანობისთვის მადლობა გადაუხადა. "სახმელეთო ტრანსპორტის სააგენტო და მისი პერსონალი ახალი კორონავირუსის გავრცელების საპრევენციო სამუშაოებში ერთ-ერთი პირველი ჩაერთნენ. ქვეყანაში გამოცხადებული საგანგებო სიტუაციების პერიოდში სააგენტო მუშაობის 24 საათიან რეჟიმზე გადავიდა და თავისი უდიდესი წვლილი შეიტანა აუცილებელი პროდუქციით ქვეყნის უწყვეტ მომარაგებაში. მინდა მადლობა გადავუხადო მათ მაღალპროფესიული საქმიანობისთვის. პარტნიორ ქვეყნებთან აქტიური თანამშრომლობითა და საერთაშორისო გადაზიდვების ნებართვების შეუფერხებელი გაცემით, სააგენტოს თანამშრომლები უზრუნველყოფენ საქართველოს ტერიტორიაზე ტვირთის შემოტანას შეფერხების გარეშე, რითაც ქვეყანაში საჭირო პროდუქციასთან დაკავშირებით დეფიციტი არ შექმნილა. მთავრობის ანტიკრიზისული უწყებათაშორისი საბჭოს საპრევენციო გადაწყვეტილების შესაბამისად, სააგენტომ, საგანგებო მდგომარეობის მოქმედების პერიოდში, სახმელეთო გზით საერთაშორისო გადაზიდვების განმახორციელებელი საქართველოს მოქალაქეობის მქონე მძღოლებისთვის რუსთავსა და ფოთში თვითიზოლაციის სივრცეები - ტირპარკები მოაწყო. აღნიშნული სივრცის გამოყენება შეეძლოთ მძღოლებს, რომელთაც არ გააჩნდათ თვითიზოლაციის შესაძლებლობა და სააგენტოს მხარდაჭერით საშუალება ეძლეოდათ, ესარგებლათ მათვის საჭირო ინფრასტრუქტურით ყოველგვარი საფასურის გარეშე. სააგენტო უზრუნველყოფს საქართველოს საზღვარზე შემოსული ყველა მძღოლის მონიტორინგს მათი გადაადგილების შესახებ. ასევე ცალკე აღნიშვნის ღირსია, სააგენტოს აქტიური ჩართულობა საქართველოს გადამზიდავი კომპანიების მძღოლების ბულგარეთიდან ჩარტერული ავიარეისით დაბრუნების პროცესში, რომლებსაც ბულგარეთის მხარემ, ქვეყანაში არსებული საკარანტინო შეზღუდვის გამო, ბორანზე ასვლისა და საკუთარ ავტომობილებთან ერთად გამომგზავრების უფლება არ მისცა.
კიდევ ერთხელ მინდა მადლობა გადავუხადო სააგენტოს თითოეულ თანამშრომელს ქვეყნის ისტორიის ამ ერთ-ერთი ურთულესი პერიოდის განმავლობაში გამოჩენილი ეფექტური საქმიანობისთვის და მაღალი დონის პროფესიონალიზმისთვის", - განაცსადა ეკონომიკისა და მდგრადი განვითარების მინისტრმა.
ოპოზიციონერი პოლიტიკოსი მატან კაჰანა ისრაელის ქნესეთის სპიკერი გახდა
ღამით დასახლებულ პუნქტებში ავტომობილების ხმაურის დასაშვები ზღვარი გაიზარდა
პუტინისა და სი ძინპინის მოლაპარაკებები ორ საათზე მეტხანს გაგრძელდა
პიტ ჰეგსეთის მოადგილემ გააკრიტიკა უკრაინა რუსეთის წინააღმდეგ შორი დისტანციის დარტყმების გამო და მოუწოდა ფრონტზე ფოკუსირებისკენ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



