„პალიტრანიუსის“ გადაცემაში „360 გრადუსი“ სტუმრობისას საქართველოს თავდაცვის მინისტრი სამხედროების წახალისების საკითხს კვლავ შეეხო. როგორც ირაკლი ღარიბაშილი განმარტავს, სამხედროების წახალისება ყველა ქვეყანაში ნორმად ითვლება და თუ როგორ დახარჯავს თანხებს, ეს თავად იცის. „მე რაზეც ვარ პასუხისმგებელი, ჩემი ბიუჯეტი და ჯარია, მე ვარ ვალდებული და პასუხისმგებელი თითოეულ დანახარჯზე თუ თეთრზე, რომელსაც ვხარჯავ.  ძალიან კარგად ვიცი, რას განვკარგავ და როგორ ვხარჯავ ამ ყველაფერს. სამხედროების წახალისება ყველა ქვეყანაში ნორმაა. უბრალოდ უხერხულია ჯარს დაამადლო, თუ წამოაძახო 160 დოლარად შეფასებული საათი, თითო საათის ღირებულება 160 დოლარი გამოდის, წასახალისებელი, სამოტივაციო საჩუქარია“, - განაცხადა ირაკლი ღარიბაშილმა. 

როგორც მინისტრმა აღნიშნა, მან წასახალისებელ საჩუქარზე გადაწყვეტილება დეკემბრის თვეში მიიღო, როცა პანდემია ჯერ დაწყებულიც არ იყო. „თანხა 83 000 დოლარი იყო, ეს არის დაახლოებით 250 000 ლარი. ცნობილ ქართველ დიზაინერს ბატონ ზვიად ციკოლიას, რომელიც გამორჩეულია თავის კრეატიულობით, ნიჭით, ვთხოვე, კიდევ ერთი საათი შეექმნა ჩვენი ჯარისთვის. მას მანამდე უკვე ჰქონდა შექმნილი არაერთი პროექტი პირდაპირი შესყიდვის გზით და ყოველგვარი ტენდერების გარეშე. მან თავად დაწერა ემოციური „ფეისბუქპოსტი“ და მინდა, მას ასეთი გულწრფელობისთვის მადლობა გადავუხადო. ასე მოხდა შესყიდვა“, - განაცხადა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება