საქართველოს თავდაცვის ძალების სიძლიერესა და ქართველი სამხედროების მომზადების მაღალ დონეზე გაამახვილა ყურადღება საქართველოს თავდაცვის მინისტრმა  „პალიტრანიუსის“ გადაცემაში „360 გრადუსი“ საუბრისას. „სრული პასუხისმგებლობით შემიძლია განვაცხადო, რომ დღეს ჩვენი ჯარი არის ბევრად უფრო ძლიერი, ვიდრე იყო 2007 ან 2008 წლებში.  ეს არის ჩვენი სტრატეგიული პარტნიორების - ამერიკის შეერთებული შტატების, ნატოს სხვა წევრი ქვეყნების, ჩვენი პარტნიორების, მეგობრების შეფასება, რომლებიც ერთხმად აღიარებენ, რომ ჩვენი ჯარის, ჩვენი სამხედროების მომზადების დონე თითქმის ორჯერ და მეტჯერ არის გაზრდილი. ჩვენ რამდენიმე წელია წარმატებით ვამზადებთ ჩვენს სამხედროებს ჩვენი მეგობარი ქვეყნის, მთავარი სტრატეგიული პარტნიორის - ამერიკის დახმარებით, GDRP ჩვენსა და აშშ-ის შორის თანამშრომლობის ერთ-ერთი ყველაზე სანიმუშო, წარმატებული მაგალითია“, - განაცხადა ირაკლი ღარიბაშილმა. 
მინისტრმა, ასევე აღნიშნა, რომ გასული წლის ნოემბერში აშშ-ში ოფიციალური ვიზიტის ფარგლებში მან ხელი მოაწერა GDRP პროგრამის 3 წლით გახანგრძლივებას, რაც უფრო მეტ შესაძლებლობას მისცემს ქართულ მხარეს, უფრო მეტად მოამზადოს სამხედროები. მინისტრმა ასევე, განმარტა, რომ პროგრამის დასრულების შემდეგ, ქართულ მხარეს სრული თავისუფლება და შესაძლებლობა ექნება, ყოველგვარი დახმარებისა და მსხვილი ინსტრუქტორების გარეშე,  ჩვენი ჯარის მომზადება გააგრძელოს.

მინისტრის თქმით, ქართული ჯარი ყველაფერ საუკეთესოს იმსახურებს და მალე განახლდება სპეცტექნიკა. „ჩემი მთავარი დევიზი გახლავთ სწორედ ის, რომ ჩვენი ჯარი იმსახურებს ყველაფერ საუკეთესოს - საუკეთესო სოციალურ პირობებს, სახელფასო პოლიტიკას, დაზღვევას, საუკეთესო კვებას, საუკეთესო საბინაო პოლიტიკას, ინფრასტრუქტურას, რომელზეც გადავწყვიტე, რომ 100 მილიონი დავხარჯო ამ წელს და წლის ბოლომდე 250 ობიექტის სრული რეაბილიტაცია დავასრულო. ეს არის ყველა ყაზარმა, დამხმარე ნაგებობების რეაბილიტაცია, ასევე მიმდებარე ტერიტორიების კეთილმოწყობა,  პირადი ეკიპირების სრული განახლება. გადაწყვეტილი მაქვს და პრაქტიკულად ბოლო ეტაპზე ვართ ტექნიკის განახლებაზეც. მოგეხსენებათ, 2005-2007 წლების შემდეგ პრაქტიკულად არ განახლებულა ავტოტექნიკა და სპეცტექნიკა“, - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება