კარგი იქნება, რომ 20 ივნისისთვის ოპოზიციურმა სპექტრმა თბილისის მაჟორიტარ კანდიდატებზე საბოლოოდ შეთანხმება მოახერხოს, - ამის შესახებ ფრაქცია „ნაციონალური მოძრაობის“ თავმჯდომარის მოადგილემ, სალომე სამადაშვილმა ჟურნალისტებს განუცხადა.

როგორც მან აღნიშნა, „ერთიანმა ნაციონალურმა მოძრაობამ“ მიიღო ძალიან მნიშვნელოვანი გადაწყვეტილება და შექმნა სივრცე მსგავსი შეთანხმებისთვის.

„ჩვენ ვხედავთ რომ ჩვენს საზოგადოებაში არის კონსენსუსი იმაზე, რომ ბიძინა ივანიშვილის ოლიგარქიული მმართველობა ქვეყანაში უნდა დავასრულოთ.მნიშვნელოვანია, რომ ახლა პოლიტიკურმა პროცესმა მისცეს გზას ამ კონსენსუსის ასახვას უკვე საარჩევნო პროცესში. მოდის 20 ივნისი, წლისთავი ამ სისხლიანი ღამის და მე ვფიქრობ, კარგი იქნება, რომ 20 ივნისისთვის ოპოზიციურმა სპექტრმა მოახერხოს საბოლოოდ შეთანხმება თბილისის მაჟორიტარ კანდიდატებზე. „ერთიანმა ნაციონალურმა მოძრაობამ“ მიიღო ძალიან მნიშვნელოვანი გადაწყვეტილება და შექმნა სივრცე მსგავსი შეთანხმებისთვის. ახლა ჩვენ, რა თქმა უნდა, არ შეგვიძლია ვისაუბროთ სხვა პარტიების სახელით და ავიღოთ პასუხისგებლობა მათ გადაწყვეტილებებზე. ჩვენ, ჩვენი მხრიდან შევქმენით სივრცე, რომ საზოგადოებრივი კონსენსუსი ბიძინა ივანიშვილის ოლიგარქიული მმართველობის დასამარცხებლად აისახოს პოლიტიკურ პროცესში.

ახლა პასუხისმგებლობა, რა თქმა უნდა, ასევე ეკისრება სხვა პოლიტიკურ მოთამაშეებს, რომ ეს შესაძლებლობა იქნას გამოყენებული. ასე შევხედოთ, რომ „ნაციონალურმა მოძრაობამ“ შექმნა შესაძლებლობის ფანჯარა, რომელიც, რა თქმა უნდა, უნდა იქნას გამოყენებული. რეგიონებთან მიმართებაში ჩვენი პოზიციაა, რომ ჩვენი პარტიული რესურსიდან გამომდინარე, „ნაციონალური მოძრაობა“ იქნება ყველაზე კონკურენტუნარიანი პარტია რეგიონებში მაჟორიტარულ არჩევნებში მონაწილეობის მისაღებად და ამავე დროს, რა თქმა უნდა, უნდა მივაღწიოთ იმ შეთანხმებასაც, რომ არჩევნების მეორე ტურში გასული კანდიდატის გარშემო იქნება სრული ოპოზიციურო თანამშრომლობა“, - განაცხადა სალომე სამადაშვილმა.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება