2 ივნისიდან ჩოხატაურის მუნიციპალიტეტის სოფელ კოხნარის საზოგადოებრივი ცენტრი, რომელიც 23 მაისს, სავარაუდოდ, ბანკომატის ძარცვის მიზნით მომხდარი აფეთქებისგან გამოწვეული დაზიანებების გამო ვერ ფუნქციონირებდა, მუშაობას განაახლებს.

ამ დროისთვის შენობის ფუნქციონირებისთვის საჭირო ყველა ტექნიკური სამუშაო დასრულებულია. მათ შორის, სრულად შეიცვალა შესასვლელი კარის კარკასი და მინები, დემონტაჟი ჩაუტარდა დაზიანებულ ჭერს და  შეიცვალა ახლით, სრულად განახლდა და შეკეთდა დაზიანებული კედლები, შეიცვალა  თაბაშირ-მუყაოს ფილები და პროფილები, გამოიცვალა სანათები და განათების სისტემა, სრულად გარემონტდა და შეიღება 24-საათიანი თვითმომსახურების სივრცე.

ამჟამად მოქალაქეებს უკვე აქვთ შესაძლებლობა, კოხნარის საზოგადოებრივ ცენტრში დაჯავშნონ ვიზიტი და მიიღონ 200-ზე მეტი სერვისი. ასევე, ხელმისაწვდომი იქნება ლიბერთი ბანკის მომსახურებებიც.

საზოგადოებრივ ცენტრებსა და იუსტიციის სახლებში ვიზიტისას მომხმარებელმა უნდა გაითვალისწინოს, რომ

·         ჯავშნის გაკეთება შესაძლებელი იქნება მხოლოდ ვებგვერდიდან – my.gov.ge, სადაც თვალსაჩინო ადგილზეა განთავსებული ჯავშნის კალენდარი;

·         წინასწარი დაჯავშნის გარეშე, საზოგადობრივ ცენტრსა თუ იუსტიციის სახლში მისული მომხმარებელი შენობაში ვერ მოხვდება;

·         ფილიალში მისულ პირს უნდა ეკეთოს პირბადე, რის გარეშეც შენობაში არ დაიშვება.

my.gov.ge-ზე დაჯავშნის შემდეგ მომხმარებელი მითითებულ ტელეფონის ნომერზე მიიღებს მოკლე ტექსტურ შეტყობინებას, სადაც აღნიშნული იქნება ვიზიტის თარიღი, ადგილი და დრო; ასევე, მომსახურების ერთჯერადი კოდი, რომელიც საზოგადოებრივ ცენტრში, იუსტიციის სახლში მისულმა მომხმარებელმა მომსახურებამდე უნდა წარადგინოს.

ავტორი: NS (სტატია დაფინანსებულია),

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება