თქვენი საშუალო ეკონომიკური ზრდა გასული წლების მანძილზე 4%-იც კი არ არის, - ამის შესახებ „ნაციონალური მოძრაობის“ წევრმა სალომე სამადაშვილმა საკანონმდებლო ორგანოში განაცხადა, სადაც პრემიერს ინტერპელაციის წესით უსმენენ.

როგორც მან აღნიშნა, საქართველოს მოქალაქეების მომავალი შეჭამა იმ ქართულ-ჯიგრულმა მიდგომამ, რომელსაც თქვენ ეძახით კორუფციას

„ბატონო პრემიერო, თქვენ ძალიან ბევრი ისაუბრეთ დღეს აქ ეკონომიკურ წარმატებაზე, რომელიც თქვენს ხელისუფლებას ჰქონდა და იმაზე, რომ თურმე თქვენ არ დაგხვდათ 2012 წელს განვითარებული დასავლური, ევროპული ეკონომიკა. არა, ასეთი არ დაგხვედრიათ, მაგრამ თქვენ დაგხვდათ ეკონომიკა, რომელიც იზრდებოდა საშუალოდ წელიწადში 8%-ით იზრდებოდა, მიუხედავად იმისა, რომ 2008 წელს რუსეთის აგრესიამ და ეკონომიკურმა კრიზისმა ჩვენ ჩამოგვიყვანა იმ ორნიშნა ზრდიდან, რომელზეც მანამდე მიდიოდა ქვეყანა 5 წლის მანძილზე. თქვენი საშუალო ეკონომიკური ზრდა გასული წლების მანძილზე 4%-იც კი არ არის. ამიტომ, ხვდება დღეს საქართველო ისეთ სიღარიბეში, როგორშიც ხვდება პანდემიის გამოწვევებს.

სად წავიდა ეს ეკონომიკური ზრდა? რატომ უნდა ყოფილიყო დღეს საქართველოს ნებისმიერი მოქალაქე 2-ჯერ უფრო მდიდარი, ვიდრე დღეს არის. იმ შემთხვევაში, თუ ჩვენ შევინარჩუნებდით თუნდაც იმ ეკონომიკური ზრდის მაჩვენებელს, რომელიც გვქონდა 2012 წელს. სად წავიდა ეს ზრდა და ვინ შეჭამა საქართველოს მოქალაქეების მომავალი? ბატონო პრემიერო, საქართველოს მოქალაქეების მომავალი შეჭამა იმ ქართულ-ჯიგრულმა მიდგომამ, რომელსაც თქვენ ეძახით კორუფციას და რომელიც სინამდვილეში ისჯება სისხლის სამართლის კოდექსის შესაბამისი მუხლებით, როგორც ქრთამის მიცემა, ასევე ქრთამის აღება. გინდა ქართულ-ჯიგრული მიდგომა დაუძახეთ ამას და გინდ რაიმე სხვა. სწორედ ამ კორუფციამ შეჭამა საქართველოს მოქალაქეების მომავალი ცხოვრება“, - განაცხადა სალომე სამადაშვილმა.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება