ვთვლი, რომ ეს ქვეყანა ცოტა უკეთეს და უფრო კომპეტენტურ ოპოზიციას იმსახურებს, - ამის შესახებ, პრემიერ-მინისტრმა გიორგი გახარიამ პარლამენტში, ინტერპელაციის წესით კითხვებზე-პასუხისას განაცხადა.

გახარიას თქმით, პრობლემაა, როდესაც ხელისუფლება მოქალაქეების სიცოცხლისთვის იბრძვის, ოპოზიცია სპეკულირებს და პოლიტიკური ქულების დაწერას ცდილობს.

„სამწუხაროდ, პრობლემა ის გახლავთ, რომ როცა ჩვენ ჩვენი მოქლაქეების სიცოცხლისთვის ვიბრძვით და ვიბრძვით იმისთვის, რომ ადამიანებს ოჯახში მისატანი შემოსავალი შევუნარჩუნოთ, მაშინ სპეკულირებენ და პოლიტიკური ქულების და დივიდენტების აკრეფას ცდილობენ გაჭირვებაზე, ადამიანების სიღარიბეზე. მე ძალიან კარგად მესმის ის, რასაც დღეს ჩვენ ვახერხებთ ჩვენი შეზღუდული რესურსებით, მივეხმაროთ ჩვენს მოქალაქეებს, საკმარისზე, საჭიროზე ნაკლებია, მაგრამ ყველას კარგად უნდ გვახსოვდეს, რომ ის რაც ბოლო წლების განმავლობაში გაკეთდა, იყო მხოლოდ და მხოლოდ ადამიანის ინტერესებიდან გამომდინარე და ადამიანზე ზრუნვით. ყველა ის პროგრამა, რომელიც დღეს საქართველოს მთავრობამ წარადგინა, ნიშნავს ფერმერზე ზრუნვას, ნიშნავს მასწავლებელზე ზრუნვას, ნიშნავს პოლიციელზე ზრუნვას და ნიშნავს საბოლოო ჯამში ჩვენს მოქლაქეებზე ზრუნვას. სამწუხაროდ, გამოდის, რომ ჩვენს ოპოზიციას უბრალოდ კომპეტენცია არ ჰყოფნის. ვთვლი, რომ ეს ქვეყანა ცოტა უკეთეს და უფრო კომპეტენტურ ოპოზიციას იმსახურებს“, - განაცხადა გახარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა

მარნეულში ავარიას მოტოციკლის მძღოლი ემსხვერპლა

ხოშტარია: დაწყებულია ტკივილის მართვა, რამაც დიდი შვება მომცა, ბევრად უკეთ ვგრძნობ თავს