13:12 - 18 Nov, 2026
ჩვენ შესახებ რეკლამა/ხელმოწერა
2020-05-29 12:28:14, 1502 ნახვა

ეკონომიკა
ეკონომიკის სამინისტროს თანამშრომლები კორონავირუსის პანდემიის პრევენციის ფარგლებში სენსორზე მომუშავე ლიფტებით სარგებლობენ

თბილისის იუსტიციის სახლში განთავსებული საჯარო უწყებების, მათ შორის, ეკონომიკისა და მდგრადი განვითარების სამინისტროს თანამშრომლები უკვე სარგებლობენ ლიფტებით, სადაც სტარტაპმა „სენსორ.ჯი"-მ სენსორული ღილაკები დაამონტაჟა.

აღნიშნულმა სტარტაპმა  ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს მცირე გრანტების პროგრამაში გაიმარჯვა, რომელიც კორონავირუსის პანდემიის პრევენციის ფარგლებში განხორციელდა. აღნიშნული პროგრამის მიზანია ისეთი სტარტაპების მხარდაჭერა, რომელთა პროექტებსაც შეუძლიათ, მნიშვნელოვანი წვლილის შეტანა პანდემიის გავრცელების პრევენციის მიმართულებით.  

სენსორული ღილაკის საჩვენებელი ვერსია ერთ თვეზე მეტია, რაც მოქმედებს თბილისის ტექნოპარკის ლიფტში, სადაც ახალი ტექნოლოგიის მუშაობა ეკონომიკისა და მდგრადი განვითარების მინისტრმა ნათია თურნავამ თავად შეაფასა. მან იმედი გამოთქვა, რომ აღნიშნული ინოვაცია სამომავლოდ საზოგადოებრივი თავშეყრის ადგილებში ვირუსის გავრცელების კარგი საპრევენციო საშუალება გახდება, რადგან შეიზღუდება გარკვეული ტიპის ტექნიკასთან უშუალო - ხელით შეხება, რისი საჭიროებაც აქამდე არსებობდა.

სენსორული ღილაკით თავიდანაა აცილებული ღილაკთან ხელით შეხება. სენსორული ღილაკის სარგებლობისთვის საკმარისი იქნება მომხმარებელმა 0.5-დან 3 სანტიმეტრამდე მიიტანოს ხელი ღილაკთან, რომელიც მომხმარებლისთვის საჭირო ფუნქციას შეასრულებს. სენსორული ღილაკის დამონტაჟება ასევე შესაძლებელია ბანკომატებსა და სხვა ობიექტებზე, სადაც მომხმარებელს ღილაკებზე უწევს თითით შეხება.





ავტორი: NS (სტატია დაფინანსებულია),


სოციალური ქსელები
უკრაინამ კრასნოდარის მხარეში ორ მსხვილ ნავთობგადამამუშავებელ ქარხანას თვის დასაწყისიდან მეორედ შეუტია
RP: რუსეთი პოლონეთში მასშტაბური დივერსიული თავდასხმას ამზადებდა, რათა უკრაინა დაედანაშაულებინა
ოპოზიციონერი პოლიტიკოსი მატან კაჰანა ისრაელის ქნესეთის სპიკერი გახდა
ღამით დასახლებულ პუნქტებში ავტომობილების ხმაურის დასაშვები ზღვარი გაიზარდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics